Video
Read full review
2011-06-16
18 views
今晚約左朋友仔食飯, 我地之前聽過一個朋友仔介紹過Nana Banana呢間泰國餐廳的食物好好味, 所以我地今晚慕名來到Nana Banana試下...佢地的位置都幾易搵到/見到, 地鐵C出口, 一望過對面已經見到佢地個招牌...不過當我在門口看的時候都有D擔心, 因為我地見到裡面的客人唔多, 懷疑我地係唔係攪錯地方, 不過都係行左入去...佢地的裝修令人幾舒服, 青綠色的設計, 好似森林, 都幾有泰國feel, 但吸引我的係佢地的酒櫃, 佢地儲存左好多支酒, 而且用黃色的燈光照住, 感覺好有氣派...另外佢地有好多曼谷的舊照片, 整體感覺好似好正宗....不過好奇怪, 佢地牆上有好多馬場, 馬主的相片, 唔知係唔係因為好多馬主光顧定因為東主係馬主...之後我同朋友仔就開始揀食物, 因為我地都好鐘意食泰國菜, 而且今晚特別餓, 我地叫左好多食物...米紙蝦春卷 ($58): 我覺得好好味, 清清地, 但材料好足, 蝦都好大隻, 點佢地個醬料好好味...沙爹豬肉串燒 ($70): 我自己本身真係唔好豬肉, 但朋友仔又唔食雞, 我地又叫左好多牛肉, 所以決定試下豬肉...味道都幾好, 不過
佢地的位置都幾易搵到/見到, 地鐵C出口, 一望過對面已經見到佢地個招牌...不過當我在門口看的時候都有D擔心, 因為我地見到裡面的客人唔多, 懷疑我地係唔係攪錯地方, 不過都係行左入去...佢地的裝修令人幾舒服, 青綠色的設計, 好似森林, 都幾有泰國feel, 但吸引我的係佢地的酒櫃, 佢地儲存左好多支酒, 而且用黃色的燈光照住, 感覺好有氣派...另外佢地有好多曼谷的舊照片, 整體感覺好似好正宗....不過好奇怪, 佢地牆上有好多馬場, 馬主的相片, 唔知係唔係因為好多馬主光顧定因為東主係馬主...
之後我同朋友仔就開始揀食物, 因為我地都好鐘意食泰國菜, 而且今晚特別餓, 我地叫左好多食物...
米紙蝦春卷 ($58): 我覺得好好味, 清清地, 但材料好足, 蝦都好大隻, 點佢地個醬料好好味...
沙爹豬肉串燒 ($70): 我自己本身真係唔好豬肉, 但朋友仔又唔食雞, 我地又叫左好多牛肉, 所以決定試下豬肉...味道都幾好, 不過我覺得有d肥..但朋友仔好喜歡, 所以各人喜好, 佢事實上唔多肥肉, 只係我完全接受唔到肥肉...但佢地個醬汁就真係好唔錯....
柚子沙律 ($70):好好味, 酸酸地, 辣辣地, 真係好開胃,極度推薦main course前食呢個.... 而且柚子排毒, 非常好..哈哈...
青咖哩牛肉 ($75): 呢個真係值得一試, 如果喜歡辣的, 一定很喜歡, 青咖哩煮得好好味, 佢真係我食過最好味的青咖哩...而且辣得恰到好處........但因為佢地唔跟飯的, 所以我同朋友仔叫左一個飯($16), 我就覺得有d貴, 一碗飯的份量, 所以如果唔介意無飯的, 可以唔好叫多個飯...
濕炒牛肉河粉 ($70): 佢地的河粉煮得唔錯, 河粉有一定的厚度, 而且朋友仔覺得好有鑊氣...都值得一試...
飲品方面, 佢地有好多飲品選擇, 特別係酒精飲品, 佢地可能同時間係一間BAR, 因為事實上成條街都係酒吧....我同朋友仔叫左Salty Dog同Bloody Mary...
Salty Dog ($58):我本身係極度喜歡飲呢款酒, 但香港真係無咩酒吧有呢款酒叫, 所以我見到佢地有, 我真係好開心, 即刻點Salty Dog...好有水準, 無偷工減料, 但又唔會太難入口....
朋友仔的Bloody Mary ($58), 佢話又酸又辣...但因為朋友仔唔係好飲酒, 所以佢飲左一半就已經話醉醉地, 所以比唔到意見..
至於waiter同waitress方面, 佢地應該全部都係泰國人, 所以可以的同佢地講英文, 但有d都識講中文, 佢地的態度都好好, 同埋當我地開始食的時候, 客人都不斷陸續有來, 幾乎坐滿, 而且大部分都係外國人, 可能大家食飯的時間都唔一樣.., 所以一開始無咩人....哈哈....
整體所有的東西都好好, 我地埋單$500... 雖然比同類型的餐廳貴d左, 但又真係好好味, 都值呢個價錢....我應該會再來...
Post
