哈豆

Open Now

Now Closed

上次已經同一班朋友試過係成業街嘅哈豆。見今日落大雨，又咁啱行開駿業里呢頭就決定試埋另一間哈豆。鮮梅佐炸豬排肉燥飯剛上菜店員就立即提醒要可以先食鮮梅來開胃。鮮梅酸酸甜甜，非常開胃。炸豬排非常大塊，厚度適中食落可口，配以肉燥飯和辣菜甫，配搭一流。台灣滷水拼盤台灣滷水拼盤有牛肉，豬肋骨，雞翅，豆腐和滷蛋。滷水很香，而且滷得很入味。特別推薦雞翅，好突出。五寶什錦醬乾拌麵乾拌麵配以麻辣醬及芝麻醬，麻辣醬香而不太辣，即使同行朋友唔食得辣仍然食得津津有味 。乾拌麵選用了類似刀削麵的粗身麵，口感一流。逢甲鹹酥雞鹹酥雞嘅炸粉唔會太厚，食落啖啖肉。雞肉嘅肉質還算鮮嫩，食落唔會太乾或者太柴。黑白珍珠豆漿紅茶第一次試以豆漿代替奶，相對普通珍珠奶茶會無咁甜，而且茶味更出。