富士山55 (拉麵沾麵專門店)

Open Now

Now Closed

呢間沾麵我見個評分都幾高，所以我就去試吓啦🤤咁我就叫咗個特濃豚骨沾麵黎試吓啦上個陣佢地係用石鍋上嘅，到食完個吓我都重摸到個石鍋係熱嘅，絕對保到溫，如果覺得唔夠熱重可以用電池爐整返熱佢。佢個沾麵係可以揀麵嘅軟硬程度，咁我就揀咗正常嘅，佢個沾麵跟有2塊叉燒，叉燒略略咁燒過吓，薄得黎又好香甜，肥瘦好適中。溏心蛋溏心嘅程度唔錯，唔會太硬或者過熟。個沾麵汁夠濃，唔會太油同埋太鹹，d麵係掛到汁嘅。咁佢下午茶時間重可以+$20要多碟小食，咁我個日就加咗2隻醬油黑椒雞翼黎試吓雞翼上枱個陣夠熱，一句講曬：皮脆肉嫩多汁🤤我重叫咗支波子汽水黎飲，好有日本嘅味道，$18黎講價錢算可接受，幫你開埋先上枱，服務一流。