Fûhn (The L. Square) (Closed)

最近，我同朋友食多次呢間越南菜。雖然主打牛肉湯粉，但係其他食物水準都唔錯，價錢合理，平日都幾乎坐滿人。🍤三上小食拼盤$108小食拼盤有齊蒜蓉牛油雞翼、手打蝦餅同春卷，自家制蝦餅有驚喜，唔會用厚粉，而係啖啖蝦肉，每件包含三件蝦， 口感彈牙，配合甜辣醬，更加開胃。春卷係泰式絲網春卷，香脆嘅外層包住清新蔬菜餡料，好啱夏天食。不過，雞翼偏細隻，肉質經油炸後未算嫩滑。最近，餐廳推出咗夏日限定嘅檬粉同米紙卷，同原有餐點係2 種截然不同嘅風味。 🍜西班牙黑毛豬撈檬粉 $128之前試過雞扒撈檬，酸酸甜甜幾好味。 原來同黑毛豬撈檬係兩種風味， 黑毛豬撈檬嘅檬粉比較多醬料，偏辣，有啲似印尼撈麵。 黑毛豬雖然份量唔多，但係幾鮮嫩。 🥭芒果鮮蝦米紙卷$68食到有芒果都開胃啲。 米紙卷皮通透，捲住米粉、生菜、甘筍絲同蝦肉，幾清爽。不過，如果想食脆口，都係叫返人氣之選-軟殼蟹米紙卷。🥥椰青 $49望落超大個，超多清甜嘅椰子水，仲輕易食到啲椰肉。 🍋蝶豆花蜂蜜檸檬茶$38打卡之選，味道正常水準，相對會推介椰青。