盔匠

Open Now

Now Closed

盔匠係一間特色小店，佢地有賣荊州「鍋盔」（老闆話可以理解成燒餅）、水果冰乳酪、乳酪奶昔和古法烤番薯，係香港嚟講都算幾特別！鍋盔一共有六個口味，例如羊肉、牛肉、咖喱雞同紅糖豆沙等等，得意嘅係睇住老細整鍋盔嘅成個過程！佢地嘅麵團係每日新鮮做嘅，落單之後老細會即時桿麵團、加芝麻，然後再將扁平的麵團放入 300 度的烤爐烤製！（建議大家買完即刻食，熱辣辣嘅鍋盔真係幾正！）我叫左老細話最受歡迎嘅羊肉鍋盔，鍋盔好香脆，入面夾住帶有孜然粉味道嘅羊肉，味道唔錯，如果下次有機會會再試下其他口味！另外，我仲試左佢地嘅水果冰乳酪，一般大概有 8-9 個口味，例如芒果、玫瑰火龍果、冧酒提子同香橙等等，我試左 7 個口味，比較推薦芒果同冧酒提子口味，依兩個口味較香！整體嚟講，鍋盔同水果冰乳酪都唔錯，幾有新鮮感！