百花漁莊 (Closed)

上個禮拜同朋友去咗灣仔搵嘢食，發現QRE plaza 開咗間新嘅粥底火煱，就一於上去試新嘢！我哋到得比較早，餐廳人不多所以就揀咗個卡位坐😊 呢度裝修簡潔，坐位寬敞，很光猛所以坐得都幾舒服。 服務員很熱情，耐心地介紹了這里的特色，點單是用QR code 的非常方便👍 百花漁莊主打湯底有四款選擇：養生十全藥膳雞湯鍋、金腿蟲草花花膠雞鍋、皮蛋香菜鍋、野菌豆乳鍋，當然唔少得嘅仲有佢個粥底火鍋啦。我見係招牌特色，當然就揀咗粥底火鍋😜首先用米糊打邊爐，雖然味道清淡，但更能突顯其他配料鮮味。我哋點咗安格斯肥牛，煑30秒就可以食，肥瘦適中均勻，咬落口感好好，而且牛味都幾出。另外佢哋好多火鍋料都可以選擇半份，非常適合人少又想試多啲唔同種類！另外因為服務員推介，所以就試吓呢個百花小魚兒，第一次用呢隻剥皮魚打邊爐，估唔到肉質咁鮮甜，而且Q彈👍。仲有呢度嘅自家製酸菜和蜂巢豆腐係免費無限量添加嘅，個豆腐都好Q彈，吸收湯汁更好味！當我哋食得差唔多嘅時候，服務員最後為我哋加入很綿糯嘅白粥、切粒南瓜、粟米、菜脯及蔥粒等配料，食落味道香, 超滿足😋因為而家新張期内，所以仲送咗紅糖果仁冰粉俾我哋，冰粉口感似蒟蒻，加上紅糖