Video
Read full review
2020-09-27
839 views
餐廳：老闆娘雲南米線 (荃灣)地區：荃灣地址：荃灣曹公街8號香車街熟食中心3樓28-29號舖日期：26/9/2020 時間：8:10pm人數：2人 等位： 15mins 價錢： ＄112今日係荃灣廣場睇戲，睇到7點幾結束，諗住睇完係附近搵野食，咁啱諗起有個朋友介紹既米線，原來由荃灣廣場行過去都幾近，不過如果第一次去既朋友仔應該幾難搵，因為佢嘅地方係喺街市樓上最高嗰層，行入中間位先會見到鋪位，一去到嘅時候見到大約有十人排緊隊，排隊嘅期間就要拎餐單選擇食咩，大約等咗15分鐘就已經可以入座。 我哋分別嗌一個米線酸辣湯BB辣加招牌酥炸雞球（$45），一個嗌米線麻辣湯BB辣加蒜香椒鹽雞翼同秘製豬腩肉（$55），另加汽水嘢飲就每罐$6，加埋總共$112。秘製豬腩肉係跟米缐一齊上，而招牌酥炸雞球同蒜香椒鹽雞翼就分開上，由於尼兩樣餸都需要啲時間即時炸。於是我哋食左腩肉先，佢哋既腩肉係用五花腩既部分，肥瘦分明，而且均勻適中，腩肉一入口就有驚喜，有種入口即化既感覺，加上佢哋之前應該有醃製過腩肉，令腩肉更加入味。而雞球方面有4塊，每塊都幾大下，外皮的確做到酥脆嘅感覺，但肉質唔夠鮮嫩，同埋因為比較大舊所以內裏
地區：荃灣
地址：荃灣曹公街8號香車街熟食中心3樓28-29號舖
日期：26/9/2020
時間：8:10pm
人數：2人
等位： 15mins
價錢： ＄112
今日係荃灣廣場睇戲，睇到7點幾結束，諗住睇完係附近搵野食，咁啱諗起有個朋友介紹既米線，原來由荃灣廣場行過去都幾近，不過如果第一次去既朋友仔應該幾難搵，因為佢嘅地方係喺街市樓上最高嗰層，行入中間位先會見到鋪位，一去到嘅時候見到大約有十人排緊隊，排隊嘅期間就要拎餐單選擇食咩，大約等咗15分鐘就已經可以入座。
我哋分別嗌一個米線酸辣湯BB辣加招牌酥炸雞球（$45），一個嗌米線麻辣湯BB辣加蒜香椒鹽雞翼同秘製豬腩肉（$55），另加汽水嘢飲就每罐$6，加埋總共$112。
秘製豬腩肉係跟米缐一齊上，而招牌酥炸雞球同蒜香椒鹽雞翼就分開上，由於尼兩樣餸都需要啲時間即時炸。於是我哋食左腩肉先，佢哋既腩肉係用五花腩既部分，肥瘦分明，而且均勻適中，腩肉一入口就有驚喜，有種入口即化既感覺，加上佢哋之前應該有醃製過腩肉，令腩肉更加入味。
而雞球方面有4塊，每塊都幾大下，外皮的確做到酥脆嘅感覺，但肉質唔夠鮮嫩，同埋因為比較大舊所以內裏唔夠入味，反而冇腩肉咁驚喜。
雞翼方面只有兩隻，雞翼上撒左啲辣椒粉，望落去幾野味，第一啖咬落去非常爆脆，比雞球嘅外皮更脆，可惜得兩隻比較少寧願雞翼多兩隻更合我哋口味。
38 views
0 likes
0 comments
招牌酥炸炸雞球
25 views
0 likes
0 comments
蒜香椒鹽雞翼
33 views
0 likes
0 comments
Post
