鳥海山鐵板燒 (Moved) New Location

位於長沙灣嘅鳥海山係一間隱世鐵板燒烤店，以日式設計為主，店內空間感十足，枱與枱之間有一定距離。店員服務親切有禮。無論套餐或單點都有好多選擇。我哋order咗人氣嘅鳥海山鐵板套餐二人前。是日精選刺身，沙律頭盤先食一個柚子醋汁沙律，清新開胃，沙律夠凍食落夠fresh再嚟就係是日刺身，有四款魚，包括白身魚：梭子魚，薄目張，油甘魚，三文魚腩，夠哂新鮮又厚切。食落各有特色。活龍蝦龍蝦肉質新鮮鮮甜，用龍蝦本身嘅膏再用牛油煮返個汁落去龍蝦肉。龍蝦嘅鮮味十足。簡單嘅酒同鹽胡椒就完成一個好好味嘅鐵板燒龍蝦活鮑魚店家使用嘅係新鮮南非鮑魚，用嘅size 亦一啲都唔吝嗇。肉質爽口，調味出色，保持留鮑魚本身嘅甜味。熟度控制得剛剛好。每舊都保持再濕潤同海鮮味。鵝肝多士鵝肝外層煎到脆口，但保留入口即溶嘅感覺。因為鵝肝就咁食係會好漏嘅，師傅就配搭一塊小多士，平衡返個油膩感覺。牛肉薄燒牛肉雖然係薄燒，但牛肉本身係一啲都唔失禮。卷起嚟份量十足。包起香蔥同炸蒜咁食，牛肉味更加突出。炒野菜，炒飯，味噌湯最後嘅炒野菜同炒飯更加係出色，野菜炒得好香同保持到適中嘅濕度。另外都係有加小小酒炒。好惹味。炒飯每粒都炒到好均勻，粒粒分明係