悅滿軒

雖然之前都嚟過呢邊嘅市集，但都係第一次嚟呢間餐廳食嘢，環境裝修都好靚，俾人一種好高級嘅感覺😘🔸日本紅蟹西柚沙律配柚子油醋汁〰️沙律係用咗柚子汁同埋加咗啲西柚，成個感覺都幾fresh ！日本紅蟹肉鮮甜，而且都好多肉，另外仲有鵪鶉蛋，撈埋一齊食，口感同味道又幾豐富。🔸烤西班牙八爪魚腳配蘋果沙律，哈里薩汁〰️八爪魚都幾滑溜，口感彈牙，沙律加咗啲蘋果好爽甜。🔸烤澳洲龍婽尾配烤露筍，青檸慕斯汁〰️龍蝦尾大大隻嘅賣相超級吸引，而且肉質都好鮮甜，好厚肉。仲有個青檸慕斯汁都幾特別，酸酸地咁幾啱我口味。🔸香煎大西洋黑鱈魚配海鮮，蟹肉昆布汁〰️呢個比較fusion啲嘅菜式，賣相都好夢幻，加咗啲好靚嘅花花之餘，仲有啲海鮮泡，味道大大提升。海鮮方面仲有大西洋黑鱈魚，蜆，青口，蝦，非常之吸引。