Video
Read full review
2022-07-28
636 views
法式fine dining就聽得多，今次食既呢間Fine Dining餐廳係主打南美fusion，加入左唔少香料同可可既原素，對於我黎講都算幾創新，食到好多平時食唔到既味道。呢到既dinner 得兩個menu可以揀，我地揀左個貴d既journey menu，唔同既位係多左個cavier同signature皇帝海螯蝦。我會非常建議大家加多300蚊upgrade呢個journey menu，因為真係好impress呢個海螯蝦，無諗過會可以配上由蝦頭同可可煮成既朱古力醬汁，令到味道層次更加豐富。主廚將海螯蝦同可可味道平衡得好好，完全唔洗驚成道菜會有又鹹又甜咁，覺得好奇怪，可能係蝦頭本身自帶甜味，意外地同可可好match。另一個驚喜位係個signautre半生熟乳鴿，完全唔知原來乳鴿可以煮到咁細嫩彈牙，口感有d似食緊medium rare既牛扒同魚蛋既mix版。係同一道菜入邊，主廚巧妙地將鴿肉搞碎後，放入粟米餅作為餡料，當做第二種食法。雖然咁樣當餡料食更有南美風味，但個人黎講都係鐘意都咁煎烤黎食多d。除左海螯蝦同乳鴿之外，另外兩個主菜lobster taco同鮟鱇魚都非常之出色。值得一讚佢既炭
我會非常建議大家加多300蚊upgrade呢個journey menu，因為真係好impress呢個海螯蝦，無諗過會可以配上由蝦頭同可可煮成既朱古力醬汁，令到味道層次更加豐富。主廚將海螯蝦同可可味道平衡得好好，完全唔洗驚成道菜會有又鹹又甜咁，覺得好奇怪，可能係蝦頭本身自帶甜味，意外地同可可好match。
另一個驚喜位係個signautre半生熟乳鴿，完全唔知原來乳鴿可以煮到咁細嫩彈牙，口感有d似食緊medium rare既牛扒同魚蛋既mix版。係同一道菜入邊，主廚巧妙地將鴿肉搞碎後，放入粟米餅作為餡料，當做第二種食法。雖然咁樣當餡料食更有南美風味，但個人黎講都係鐘意都咁煎烤黎食多d。
除左海螯蝦同乳鴿之外，另外兩個主菜lobster taco同鮟鱇魚都非常之出色。值得一讚佢既炭烤技巧，外脆內軟得黎，可以鎖住肉汁，保留到海鮮既鮮味。反而唔係幾識欣賞佢既香料。
至於前菜同甜品，相對黎講就冇咁岩我口味。尤其係前菜，唔知係咪關南美口味問題，整體味道偏酸，唔係好接受到。甜品方面，對佢既朱古力mousse都略為失望。雖然朱古力mousse味道非常濃郁，而且面層既朱古力脆脆都好重可可味，但底層既意大利橄欖油真係完全好唔match個可可味，食果陣完全係想避開哂佢d橄欖油。
講起佢個橄欖油，原來只限量供應俾全球三家知名餐廳，而mono係其中一間。自己無話好鐘意食橄欖油，所以唔可以講出佢既橄欖油有咩特別之處。但橄欖油的確香味十足，而且油而不膩，配上佢既口感鬆軟既sourdouge，食落非常滋味。
另外餐廳好著重食材既運用，每上一道菜之菜都會show俾我地睇佢地用既食材，同埋講解下食材既背景資料，真係可以加深我地成個full experience。但有個扣分位就係佢既sustainability effort，黎食之前已經知道佢menu 有講到明會加1%既charge捐俾ZFPA (零碳足食)，但當我地問餐廳staff，想知多d關於ZFPA既時候，佢地都有elaborate左多d，但最後竟然話可以俾我地自由選擇俾唔俾呢舊錢。雖然只係少少錢，但感覺上好似俾人呃左咁，原來compulsory 既野問下就可以free左。Anyway，正係計野食黎講，都係值得一試既體驗。
Post
