日山 (海運大廈)

Open Now

Now Closed

今次又係因為海港城coupon而食既餐廳。其實早兩年已經間唔時黎食，但當時一位難求。開關之後book位易左好多，今次揀左平日午市。日山午市有12:30及1:30兩個時段，1:30比較少人入座，餐廳安排了海景位，十分貼心。前菜分別有三款。櫻花蝦茶碗蒸好足料，唔會食完兩啖就冇哂櫻花蝦，蛋味都好香。中間既柚子味菇味道特別，但醬料未必貼菇好夾。煙肉薯蓉creamy香滑，唔錯。其中一個主菜係seabass。肉質嫩滑，味道不錯。但麵豉湯同飯既份量明顯比以前少左，但都夠飽。身2款主菜係最出名既和牛壽喜燒。燒之前職員會介紹肉同埋煮法。今次職員會煮到7成熟。佢地都好貼心主動分兩份比我地share。入口好滑又香，keep到水準，必食。甜品係柚子味雪糕，一如既往有柚子肉，雪糕糕身唔會過硬。1000蚊左右二人lunch係偏貴，但食物質素高，服務好，有coupon值得再次光顧。