Akoya

Open Now

Now Closed

尖沙咀有唔少日本餐廳，今日朋友就介紹左我去一間新開係寶勒巷嘅日式居酒屋- akoya 。呢間居酒屋私隱度好高，寧靜又肆正。Menu 入面嘅食物款式幾多又唔算太貴，性價比高。明太子煎蛋卷（$78）蛋卷唔會煎得太熟太乾身。入口鬆軟得嚟又有口感，切開入面有好多明太子，咸甜配合，刺激味覺。炭火燒拼盤6串（$180）想咩都試下嘅我，串燒拼盤滿足哂我口味，拼盤每串都係雞嘅部份，有鵪鶉蛋、免治雞肉、雞頸、青椒仔、雞翼、雞心。好香口，唔似出面嘅燒烤咁多調味粉。明太子牛油燒飯糰（$72）睇落平平無奇嘅飯糰煎過後好香脆，外皮食落有陣陣飯焦香，入面嘅飯就軟糯有口感，入面嘅明太子一啲都唔少，魚香味好重但又唔會腥。海膽汁燒蠔（$118）最吸引嘅莫過於呢個鐵板燒蠔，一上台果陣已經熱氣騰騰，香噴噴嘅海膽味令人流哂口水，一入口好軟熟，飽滿嘅配上海膽汁好夾，食完有啲漏。