Video
Read full review
2018-01-05
75 views
今日朋友新屋入伙，去咗佢葵涌附近嘅新居坐吓，傾到晚飯時間，朋友提議落樓下搵吓有咩好嘢食，所以我哋就兩支公周圍逛一逛。行行吓，我見到有間叫茶記冰室嘅餐廳，印象中好似係其他地方都有去過，朋友話未試過，咁就同佢試試啦！餐廳本身企理乾淨，有特意裝修，睇得出係想有少少懷舊feel果隻，特別係地磚所用嘅係懷舊花紋，我之前裝修都有諗過用依隻磚。入去坐低，服務員即刻同我哋介紹餐牌同招牌菜，佢推薦左個羊腩㷛俾我哋，我亦都見周圍好多人都食緊，應該係時令菜嚟，可惜朋友話唔食得羊，所以冇叫到。由於餐牌都好多嘢可以揀，所以我哋都用左成五分鐘揀食啲咩！最後問埋服務員心意見，我哋先可以落order，依度都要多謝服務員嘅耐性，因為我同朋友都唔係咁有主見既人黎。先嚟嘅係應該跟小菜送嘅中湯，冬瓜瘦肉湯，可能我同朋友都係唔多湯水果隻啦，好快就KO左碗湯。之後等左一陣，第一碟餸嚟啦！係芥蘭魷魚㷛，芥蘭嚟講，炒得好香，食落爽甜，再加上魷魚嘅鮮味落去，冇得彈啦！第二樣嚟嘅係黃金蝦球，睇相就知有幾正啦，蝦球大大粒，全隻包住啲咸蛋嚟炸，唔好食就真係有鬼啦！建議用白飯送，會balance返啲。第三樣餸係椒鹽九肚魚，食食吓都聽到隔離話，
行行吓，我見到有間叫茶記冰室嘅餐廳，印象中好似係其他地方都有去過，朋友話未試過，咁就同佢試試啦！
餐廳本身企理乾淨，有特意裝修，睇得出係想有少少懷舊feel果隻，特別係地磚所用嘅係懷舊花紋，我之前裝修都有諗過用依隻磚。
入去坐低，服務員即刻同我哋介紹餐牌同招牌菜，佢推薦左個羊腩㷛俾我哋，我亦都見周圍好多人都食緊，應該係時令菜嚟，可惜朋友話唔食得羊，所以冇叫到。由於餐牌都好多嘢可以揀，所以我哋都用左成五分鐘揀食啲咩！最後問埋服務員心意見，我哋先可以落order，依度都要多謝服務員嘅耐性，因為我同朋友都唔係咁有主見既人黎。
1 views
0 likes
0 comments
先嚟嘅係應該跟小菜送嘅中湯，冬瓜瘦肉湯，可能我同朋友都係唔多湯水果隻啦，好快就KO左碗湯。之後等左一陣，第一碟餸嚟啦！係芥蘭魷魚㷛，芥蘭嚟講，炒得好香，食落爽甜，再加上魷魚嘅鮮味落去，冇得彈啦！
5 views
0 likes
0 comments
第二樣嚟嘅係黃金蝦球，睇相就知有幾正啦，蝦球大大粒，全隻包住啲咸蛋嚟炸，唔好食就真係有鬼啦！建議用白飯送，會balance返啲。
0 views
0 likes
0 comments
6 views
0 likes
0 comments
第三樣餸係椒鹽九肚魚，食食吓都聽到隔離話，「後生仔都係比較鐘意食煎炸嘢。。」哈！又係喎，我哋好似唔熱氣嘅都唔叫，食既時候就好好味，食完之後先至會驚係咪太過熱氣。冇辦法，唯有整返杯凍奶茶，cool down吓先，當然依啲只不過係自我安慰，等自己冇咁guilty嘅藉口黎姐。
總括黎講，餐廳無論係食物、裝修同服務方面都好OK，下次有機會一定再黎。
Post
