阿爺八鮮鍋 (Closed)

今日去咗呢間位於旺角嘅阿爺八鮮鍋同朋友gathering試咗佢個雞煲同火鍋。一黎到就試左佢個雞煲先，因為同行友人不食得太辣，就叫左個原味，兩個人食岩岩好，雞煲份量唔算多，雖然可以任加，不過要留肚打邊爐，所以都叫一煲就夠了。 之後點左個鹿茸藥膳湯，可以單獨清飲，好濃味，係唔錯既。點左個新升級霸王海鮮盤🧡有越南大虎蝦🦐、澳洲大虎蝦、蘇格蘭聖子、蘇格蘭大元貝、臺山奄仔蟹、新鮮鮑魚，另外點左個生蠔🦪好肥好生猛，海鮮超新鮮，即叫即起，隻鮑魚仲郁緊架之後叫左啲打邊爐火鍋料安格斯牛肉、豬粉腸、萵筍、黃沙潤、雞腎、紫菜響鈴。不得不提係佢個招牌手打黑松露墨魚滑，超彈口，黑松露個味道都勁出，好滿足既一餐。最後仲送Tiramisu 做甜品比我地，真係好貼心，推薦比大家😋😋。