Video
Read full review
2022-05-11
1352 views
趁媽媽放假，專登book咗齋菜私房菜！如果大家想食，記住要book位，老闆娘先準備到即日新鮮食材，真係夠晒誠意！前菜蘆筍配堅果，老闆娘話蘆筍係即日採購，所以食落好新鮮，完全冇臭青味，同埋老闆娘好有心機，蘆筍外層都批走晒，識落唔會有渣！醬汁都好特別，係五穀粉、芝麻、花生整，最特別係加埋檸檬汁，所以食落好清新！足料養生湯有各種菇類同栗子腰果，好足料，蘇湯都可以好足味，好清甜！酥炸豆腐私房菜嘅好處就係，即叫即做，炸豆腐外脆內軟，炸皮唔會太厚！醬汁老闆娘話係特製，鹹酸甜嘅味道，但係又好清新！個人覺得配前菜嘅芝麻醬食都好夾！醬燒杏鮑菇主菜係好吸引嘅杏飽菇，相對比較濃味，醬汁帶有黑椒味！杏鮑菇都係我齋菜裏面好鍾意嘅一道菜，因為口感好好，醬燒又保持到濕潤！筊白筍我無食過嘅蔬菜，食落有啲似蘿蔔，但又口感偏爽，好清甜！珍菇酸菜冬粉粉量好足夠！當中最特別，係老闆娘重新整過平時嘅酸齋，重新滷過，所以唔會食味精嘅味道！收費：$200/位$250/位（包煲湯、甜品）今次預約冇特別揀食乜嘢，但係每一道都好有驚喜，大家可以放心交俾老闆娘發板！
趁媽媽放假，專登book咗齋菜私房菜！如果大家想食，記住要book位，老闆娘先準備到即日新鮮食材，真係夠晒誠意！
前菜
蘆筍配堅果，老闆娘話蘆筍係即日採購，所以食落好新鮮，完全冇臭青味，同埋老闆娘好有心機，蘆筍外層都批走晒，識落唔會有渣！醬汁都好特別，係五穀粉、芝麻、花生整，最特別係加埋檸檬汁，所以食落好清新！
足料養生湯
有各種菇類同栗子腰果，好足料，蘇湯都可以好足味，好清甜！
酥炸豆腐
私房菜嘅好處就係，即叫即做，炸豆腐外脆內軟，炸皮唔會太厚！醬汁老闆娘話係特製，鹹酸甜嘅味道，但係又好清新！個人覺得配前菜嘅芝麻醬食都好夾！
醬燒杏鮑菇
主菜係好吸引嘅杏飽菇，相對比較濃味，醬汁帶有黑椒味！杏鮑菇都係我齋菜裏面好鍾意嘅一道菜，因為口感好好，醬燒又保持到濕潤！
筊白筍
我無食過嘅蔬菜，食落有啲似蘿蔔，但又口感偏爽，好清甜！
珍菇酸菜冬粉
粉量好足夠！當中最特別，係老闆娘重新整過平時嘅酸齋，重新滷過，所以唔會食味精嘅味道！
收費：
$200/位
$250/位（包煲湯、甜品）
今次預約冇特別揀食乜嘢，但係每一道都好有驚喜，大家可以放心交俾老闆娘發板！
Post
