La Barra Tapas Spanish Restaurant

Open Now

Now Closed

之前星期六晏晝想搵啲餐廳食晏，點知好多間都要等位，輾轉搵到呢一間西班牙餐廳，發現別有洞天。間餐廳唔算大，坐得上嚟有啲逼夾，尤其是一開始我哋要坐Bar枱，就坐得好唔舒服，但係之後侍應好貼心咁幫我哋轉咗去一張二人枱，就坐得舒服咗好多，抵讚。午餐嚟講會算偏貴，最後我同另一半就叫咗三道菜，包括西班牙海鮮飯、西班牙封門柳同埋馬拉蜆配Mojo醬。封門柳就中規中矩，至於西班牙海鮮飯就好足鑊氣，最推薦係個馬拉蜆，雖然我冇去深究咩係Mojo醬，但係有少少羅勒味，好香，而且份量都足料，非常推薦。兩個人食咗接近$700 ，我覺得都算物有所值。