老三火鍋 (Closed)

今日黎到呢間用鴨做湯底黎打邊爐，一開始唔駛多講，飲左個湯先，好濃郁既鴨湯，好飲無味精。睇睇餐牌，有鴕鳥肉，即點，因為唔多餐廳有，果然好好味，好嫩口，重點左脆脘片、炸魚皮、澳洲帶子、醉雞丸、鮮蝦丸、蜂巢豆腐同一d 菜。脆脘片同炸魚片都唔錯，幾脆幾新鮮；澳洲帶子亦新鮮，只系不是太厚，厚d既話口感一定重好，醉雞丸一上黎，有個牙籤整既旗仔寫住小心燙口，覺得好奇怪，因為鮮蝦丸都無，原來食左先知系老闆細心既舉動，醉雞丸咬落去系有汁架，重好多添，有酒味，好特別，好好食，唔知大家有無食過蜂巢豆腐，其實系將新鮮豆腐放入冰格，雪凍左之後再煮熟黎食，豆腐有一層層既口感，好特別，所以今次見到有即點。總體黎講，呢間鴨煲邊爐d用料好新鮮同都真材實料，非常值得一試！