國際咖哩館

Open Now

Now Closed

今日同朋友過黎食，未行到門口已經見到有人係度排緊隊，我地要等3張枱，但因為好想試，所以唔緊要啦！我地叫左半打咖哩角，如果我無食錯既話應該係牛肉餡，外皮炸得脆卜卜，好味😋😋 個青色既汁好特別，有少少蔥蓉味，但又酸酸地😹我唔識形容，你地自己試下就知仲有一個干炒咖哩雞，呢個真係好正！雞肉好juicy，唔知點解明明都係冰鮮雞，但人地可以整得甘好味😸😸有d炸過既洋蔥，莞茜之類一齊炒，味道好香口！咖哩牛腩，佢既咖哩汁辣得黎都有椰汁香味，我叫左中辣，我覺得下次可以挑戰大辣😁😁一個為左點咖哩汁而叫既薄餅，其實幾好味，有d麥香味🤗🤗一班人食會比較好，因為share先可以試多幾樣😸😸