曼谷泰菜 (Closed)

每次去灣仔食飯都好難搵位，有陣時6-7人冇預先book位，我都會試吓呢間泰國菜。可能佢喺2樓，地方亦算大，所以有時一點鐘去到仍有機會有大枱。佢有食小菜或者午餐兩款選擇，通常大家都揀午餐，覺得抵食啲。通常我都會揀泰式豬髀肉飯，啲肉入味又諗，海南雞飯都唔錯，啲肉都滑。佢有隻噴靚咖喱飯，唔算spicy ，不過我覺得佢用啲肉冇乜肉味，有時煮得有D硬，所以通常唔叫。佢嘅餐茶好正，龍眼茶或薑蜜都唔使加錢，我次次都叫薑蜜，真係好飲，又夠薑味。整體來講，依間係午餐繁忙時間不錯嘅選擇。