豚豚食堂

Open Now

Now Closed

放假到港島區一日遊，去到北角已經差唔多到夜晚，女朋友行到攰想入左北角滙搵下野食，行左咁多間最後決定入去豚豚屋。因為好耐都冇食過日本料理。等候人數唔多，大約15分鐘左右就可以入座，雖然職員安排左近出入口牆邊位置，但好貼心咁放個路牌，以免其他食客經過打擾到我地叫左個2人套餐，主食方面就叫左個黑豚拉麵同招牌牛油拉麵，拉麵唔會太軟身，湯有濃濃既黑蒜味，叉燒偏瘦但對我黎講就岩岩好。小食方面可以任選3款，我地分別叫左炸薯餅，炒魷魚，燒雞翼搭雞軟骨各2串。比較有驚喜既係炸薯餅，南瓜蓉帶有甘甜，唔需要額外加沙律醬食。串燒方面，雞軟骨燒得唔夠耐同埋冇乜味道，雞翼就岩岩好，有調到味。