糖森林 (大陂頭徑)

Open Now

Now Closed

呢間甜品店之前一直都係叫外賣，今次第一次到店食。甜品有好多選擇，鍾意食榴槤嘅呢度亦都有。榴槤銷魂 $52有少少榴槤肉，好香甜，配埋刨冰超冰涼，另外伴碗方面，餐牌係寫綠茶點子，但上枱是係橙色嘅啫喱，我唔肯定係咪綠茶點子，另外仲有我鍾意嘅芋圓。刨冰入面有奶凍，整體都幾豐富好味。榴槤多少少會仲開心🤏🏻🤏🏻櫻之雪山 $46牛奶棉棉冰好香滑，側邊有草莓碎酸酸甜甜，另外亦有啲白玉（小丸子），加埋個雲呢拿雪糕，成碗足夠凍到爽。但餐牌寫有“日本鹽櫻花”……唔見嘅😅兩個甜品整體唔錯嘅，係有好少嘢同餐牌有啲出入，但唔中影響。開始天氣熱喇，行過不妨入去消暑一下。