一虎

Open Now

Now Closed

10月24號7:00pm晚市個白色T-Shirt男職員服務好好，得佢自己一個人打理哂所有落單，送菜，執枱，睇住佢每一次有人走佢都消毒張枱，係咁忙嘅情況，都仲好有禮貌好脾氣，識得按撫d客話配菜牙菜轉過頭refill送過嚟，招呼哂全場冇欺場，真心佩服值得一讃！！原本未開店時6點前到未有人，所以係對面等，好搞笑地一到6點d人突然之間唔知係邊度湧出嚟，突然好長龍，冇心野準備去搶位🤣 慢慢行去排，我排個位差唔多龍尾，排咗一個鐘左右，7點入到去，點菜d食物大約10分鐘到，都好快。我哋亦都食得好快，食咗15-20分鐘就食完，讓張枱等其他人快d有得食。食物方面，餃子冇乜特別，可叫可唔叫。叫咗個$138乜配料都有齊嘅拉麵。一碗粗麵，一碗幼麵，自己唔係好分到個分別🤦🏻‍♀️個流心蛋超靚仔，高水準，超流心好味。如果你食得辣，配菜牙菜令碗麵加唔少分，好爽口，但又好辣。碗麵個义燒冇乜特別，原味湯底飲咗幾啖，比較咸。可惜今日檸檬拉麵sold out，試唔到。