凪豚骨拉麵 (Moved) New Location

今日去大坑食飯，見依間拉麵店既食評評分唔錯，於是就去試下，7點幾，唔洗等位就有位喇！一坐低就有店員過黎同你介紹每款拉麵既特色，店員服務態度非常好，好親切，食到一半又會行過黎問味道如何，見你食唔曬又會問點解，係咪味道唔岩定係點，非常著重顅客既意見。我地叫了一個豚骨拉麵（$75）同一個黑骨拉麵（$85）。黑骨拉麵幾特別，係用墨魚汁同黑蒜製成濃郁的湯底，再加上黑木耳，蔥花同墨魚汁肉醬，味道不錯，但墨魚汁的味道較淡，黑蒜的味道較濃。另外，豚骨拉麵的湯底香濃,配以幾塊薄薄的梅肉叉燒，叉燒味道唔錯，入口軟棉棉的唔會太韌，邊吃邊喝香濃既豚骨湯底，又唔會太膩！味道極佳！