Video
Read full review
2024-06-20
38 views
跑馬地呢間隱世越南嘢，門面好簡潔，燈光係柔和嘅黃光，令人好舒服。我哋兩個人叫咗一碗火車頭河粉，一個越式法包，見到佢有一個牛油雞翼係廚師推介，所以我哋就叫左。當嘢食未到嘅時候，每人會比一杯水，呢個好正常丫，但係呢杯水唔同啲，平日嘅清水你可能會飲到有檸檬，但係呢度唔係檸檬，而係班蘭葉。你會飲到淡淡的斑斕味道，好特別。火車頭河粉，好足料，有牛肉；牛腩；牛丸仲有牛柏葉，個湯底好濃郁，而湯唔會好少，因為有時好怕食啲河粉會索晒啲湯。另外，平時食越南粉都係會俾半舊青檸，但係呢度係比一細粒柑桔仔，呢啲細節位，睇得出係有花咗心機。評分：👍🏻👍🏻👍🏻👍🏻/5而個越式法包都係好好味，個法包係脆卜卜，配合埋啲酸瓜，唔會食到好「漏」。評分：👍🏻👍🏻👍🏻/5至於個牛油雞翼，初頭睇個價錢都覺得有少少貴， $96/6隻。但係佢嚟到之後，完全覺得值回票價。真係好好食，新鮮炸出嚟就唔使講，而佢個炸漿同埋個味道係啱啱好，又係吱少少柑桔落去，吊起成個味道真係好好食。連我朋友都話，要為咗呢個雞翼要出一個 post😂評分：👍🏻👍🏻👍🏻👍🏻👍🏻/5如果大家有經開，真係要過嚟食佢個牛油雞翼，真係好好食。同埋睇得出細節位佢哋都好講究，
我哋兩個人叫咗一碗火車頭河粉，一個越式法包，見到佢有一個牛油雞翼係廚師推介，所以我哋就叫左。
當嘢食未到嘅時候，每人會比一杯水，呢個好正常丫，但係呢杯水唔同啲，平日嘅清水你可能會飲到有檸檬，但係呢度唔係檸檬，而係班蘭葉。你會飲到淡淡的斑斕味道，好特別。
火車頭河粉，好足料，有牛肉；牛腩；牛丸仲有牛柏葉，個湯底好濃郁，而湯唔會好少，因為有時好怕食啲河粉會索晒啲湯。另外，平時食越南粉都係會俾半舊青檸，但係呢度係比一細粒柑桔仔，呢啲細節位，睇得出係有花咗心機。
評分：👍🏻👍🏻👍🏻👍🏻/5
而個越式法包都係好好味，個法包係脆卜卜，配合埋啲酸瓜，唔會食到好「漏」。
評分：👍🏻👍🏻👍🏻/5
至於個牛油雞翼，初頭睇個價錢都覺得有少少貴， $96/6隻。但係佢嚟到之後，完全覺得值回票價。真係好好食，新鮮炸出嚟就唔使講，而佢個炸漿同埋個味道係啱啱好，又係吱少少柑桔落去，吊起成個味道真係好好食。連我朋友都話，要為咗呢個雞翼要出一個 post😂
評分：👍🏻👍🏻👍🏻👍🏻👍🏻/5
如果大家有經開，真係要過嚟食佢個牛油雞翼，真係好好食。同埋睇得出細節位佢哋都好講究，要支持支持。
整體味道指數：😋😋😋😋/5
性價比：💰💰💰/5
環境：❤️❤️❤️❤️/5
服務：✅✅✅✅/5
Post
