火薈中日火鍋

Open Now

Now Closed

經過旺角太子附近，好耐冇打過邊爐，所以上OpenRice 搵吓有咩好食，見到呢間火鍋店呢排做緊七折優惠，所以我地就決定食呢間。望到有幾種湯底，本身諗緊食火焰波士頓龍蝦海鮮鍋，但係店員推薦花膠魚翅雞鍋，有鮑魚花膠魚翅金華火腿，所以我哋就揀咗呢個。呢個鍋鮑魚都有幾隻，一試個湯好清甜，好似屋企煲嘅老火湯咁，好正。我地叫咗個海鮮拼盤，有波士頓龍蝦，聖子，海蝦，廣島蠔。我哋四個人食份量岩岩好，我自己最推薦龍蝦，好鮮甜又多肉！而蠔都好新鮮！另外仲叫咗個頂級安格斯牛頸脊，呢個真係食到停唔到，牛肉肥瘦分布岩岩好，食落好香牛味！另外因為有七折優惠，所以就叫左自家製墨魚丸同黑松露鮮蝦丸，我自己就鍾意食墨魚丸，因為好香口彈牙，而朋友就好鍾意食黑松露鮮蝦丸，因為好香黑松露味。建議大家可以叫多啲其他餸，呢度仲有豆苗，不過個餐牌冇寫要自己問架，呢啲都有七折。下次都會想再黎食呢間，就會試下龍蝦海鮮鍋。