圍威喂 (荃灣廣場) (Closed)

平時係荃灣廣場食黎食去都係嗰幾間，今次終於等到有新餐廳！佢係一間食越式及泰式既餐廳，餐廳座位舒適，而且環境乾淨，仲會播流行歌曲，整體感覺好舒服。 (扎扎跳手打蝦餅及冬蔭功單骨雞翼)- 64$呢個係2個套餐額外加錢配既小食，冬蔭功單骨雞翼食落酸酸甜甜，十分開胃，炸粉都唔會太厚，食落去啖啖肉。至於蝦餅，食落去非常彈牙爽口，但本身佢無咩味道，需要配上旁邊既醬汁。(海南雞配油飯)- 78$海南雞同油飯絕對係絕配，雞肉十分滑嫩，而且雞油香味濃郁，用黎再食多碗飯都唔係問題。雖然雞既份量睇圖好似唔多，但絕對夠食飽一個人。(泰式蟹肉炒飯)- 88$係我最期待既一樣野，蟹肉口感食落一絲絲，唔會係霉霉爛爛，充滿住冬蔭公既味道。而且撥開飯中間，會發現除左蟹肉仲有蟹子，每一啖飯都會有幾粒蟹子，食落去好有口感，為炒飯增添層次感，下次絕對會再叫多次。