細妹姐小廚

Open Now

Now Closed

打冷好似周圍都有，要好食就唔係好多。今日老爺奶奶難得出黎行下，話之前去過荃灣二坡坊既細妹姐食，覺得唔錯所以話再去食。去到都有d以前大排檔feel,有d檯係鋪外。我地叫咗墨魚紅腸、鵝片、韮菜豬紅、避風塘炒瀨尿蝦、滷水掌翼。先黎個韮菜豬血，一食豬血個下，感覺不錯唔會一咬就爛哂，加埋辣椒油真係掂，至於墨魚紅腸就不過不失，而避風塘炒瀨尿蝦就好正，細細隻就最好味，好多水上人都話瀨尿蝦細細隻比好大隻既更好食，如果唔係已經飽，都想叫碗白粥加埋d炸蒜食。遠望下其他檯叫既炒餸，睇落都不錯，下次黎試下炒下炒下先。