綠色素食份子 (Closed)

上個月試過『無肉食』嘅素食buffet後，經過見到間『素食分子』一樣都係$68任食，不另收加一，食足90分鐘，所以今次就同朋友和媽咪，三人一早11點15分就去到『素食分子』排定隊，點知一去到就見到門口已經有好多人排隊啦。11:30準時開門，原來大家都係一入去就自己搵位，而我哋入到去就得返六人枱，三人就打橫一排坐，同唔識嘅人同一張枱食飯，已經好耐都無試過啦，不過好明顯食素嘅人都好有善，所以同枱食飯都有傾有講，感覺都好舒服。食物嘅選擇一開始唔算多，當食飽後，才知道原來會再出新菜式，味道唔錯，不過糖水就太甜，中菜款式比我預期中少，而飲品除咗熱水及茶之外，仲有凍豆漿、熱花茶及凍柚子茶，$68任食點都係超值抵食，地點對於住港島東區嘅朋友嚟講，都算方便，可以坐65號小巴到堡壘街總站一落車就到門口，如果搭地鐵就係炮台山站行過去比較方便，北角站都可以，不過就行多少少。至於職員方面，店內有位女侍應笑容及態度都好值得讚賞，反而有個似經理負責收銀嘅高瘦女士就只會對熟客有笑容，生客就比較冷漠。總括：一開始唔好攞太大分量，慢慢食，就可以試到多啲唔同嘅菜式，萬一去到無位嘅話，都可以行過去附近間『無肉食』，我覺得兩