酒鍋 (天文臺道) (Closed)

同事今日升職請食飯，帶我地幾個去公司附近食酒鍋。今餐食完絕對顛覆你我對火鍋店的想像!!!一埋位個侍應就介紹我地叫「酒火入鍋」，事關佢呢個鍋有好多款口味，岩曬我地多人試唔同口味，而且都幾有特色，出面少有。例如: 蕃茄波士頓龍蝦火鍋真係第一次見，平時成日食但無諗過會打邊爐既清湯蘿蔔牛腩鍋; 同埋仲有最大路既四川麻辣鍋及潮州沙嗲鍋。一碟賣相好靚嘅掛架頂級安格斯牛小排，望落去就知道係高質素啦！並唔係坊間外面嗰啲合成肥牛。一入口就牛味濃，又唔羶，每一片都好大塊，真係好正呀！我同事對呢盤肥牛讚不絕口，仲要讚咗幾日添😂真係好睇又好食😋鍾意食嚮鈴嘅我哋，第一時間就嗌咗個即炸手工雙層芝士漢堡味嚮鈴卷，可以吸收湯底嘅味道，格外入味好食。橙紅色珊瑚蚌好鮮艷，爽口彈牙，帶海水鮮味。手打墨魚丸唔會有雪味，比起平時食到嘅更加彈牙。芝士竹輪卷真係食完一件又想再食多件毛肚確是很爽口，爽脆可口好有水準👍仲有啲頭肥鵝腸，夠哂肥美，索左湯又煙煙韌韌咁，真係幾架食😋