Video
Read full review
2024-10-13
2030 views
熱門嘅泰式大排檔😋雖然9點幾嚟到都排左半個鐘左右先入到去，但上菜速度算快，都值得一等嘅！★̆̈ 燒牛肉 （$138）份量好夠，牛肉燒到5成熟，中間仲紅紅哋嘅，腍得嚟咬落有入口即溶嘅感覺，食落有炭燒味。唔點醬時，肉味好重。沾咗泰式酸辣醬之後好惹味，好開胃。★̆̈ 泰式凍奶茶 （$38）問咗waiter係冇得叫少甜，於是杯嘢上到嚟係同普通嘅泰式奶茶一樣好甜😂★̆̈ 生菜包 - 豬 （$88）肉碎炒得幾好，係用半肥瘦肉碎，食落唔會嚡熠熠，但係個調味酸得滯，個人唔係好鍾意。★̆̈ 醉貓炒河 （$88）泰式河粉好多都係用闊嗰種河粉嚟炒嘅，佢都唔例外。廚師用咗肉碎，欖角，洋蔥，車厘茄，同埋蛋碎嚟炒。鑊氣好夠，仲帶有少少油香味。食落香得嚟帶少少辣，如果加多啲蛋碎嚟炒，令到蛋香味再重啲，就更加好味！
★̆̈ 燒牛肉 （$138）
份量好夠，牛肉燒到5成熟，中間仲紅紅哋嘅，腍得嚟咬落有入口即溶嘅感覺，食落有炭燒味。唔點醬時，肉味好重。沾咗泰式酸辣醬之後好惹味，好開胃。
★̆̈ 泰式凍奶茶 （$38）
問咗waiter係冇得叫少甜，於是杯嘢上到嚟係同普通嘅泰式奶茶一樣好甜😂
★̆̈ 生菜包 - 豬 （$88）
肉碎炒得幾好，係用半肥瘦肉碎，食落唔會嚡熠熠，但係個調味酸得滯，個人唔係好鍾意。
★̆̈ 醉貓炒河 （$88）
泰式河粉好多都係用闊嗰種河粉嚟炒嘅，佢都唔例外。廚師用咗肉碎，欖角，洋蔥，車厘茄，同埋蛋碎嚟炒。鑊氣好夠，仲帶有少少油香味。食落香得嚟帶少少辣，如果加多啲蛋碎嚟炒，令到蛋香味再重啲，就更加好味！
Post
