Season. Café

Open Now

Now Closed

今次同朋友去咗KCC食飯，我朋友推介話呢間Season Cafe之前試過唔錯，所以就上去試吓。我地叫咗兩個Dinner Set，前菜有牛舌串燒，厚切有質感，軟硬剛好，上面好多香蔥醬汁，好好味。另外叫咗香煎鵝肝多士，鵝肝外脆內軟而且好肥厚，香濃軟滑，多士亦好香脆，下次一定要再食，真係好好味。主菜方面，我試咗帶子蟹肉蘆筍羅勒忌廉汁意粉，意粉煮得啱啱好，D汁濃郁香口，帶子好鮮甜，羅勒忌廉汁香濃但唔會太膩。仲有佢地嘅香煎深海大蝦盲曹魚，魚肉鮮嫩，大蝦好香口，配埋龍蝦汁味道層次豐富。最後不得不讚嘅係飯後甜品朱古力雪糕，佢地呢隻雪糕好特別，有D似土耳其雪糕個種質地，出面好少有機會食到，朱古力味香濃，上面仲舖上一層朱古力粉，超正。