新翠華茶餐廳 (Closed)

今日有一班朋友約我去飯聚，因為自己o係酒店工作！所以對食都有少少要求！朋友介紹佢o既"飯堂"！原來就係呢間茶餐廳！最初o既期望都唔係好大！因為鄰近食肆林立o既東大街~~~而佢個舖位仲要唔起眼！朋友話食！唔通唔食咩！無所謂啦！我地去到都好多人！有室內同室外方便有人鍾意食煙可以坐出面！又有人買外賣！生意睇落唔錯~~~唔知係咪真係咁好食呢﹖我地睇左一陣MENU就有個女仕行過黎同我朋友打招呼！原來係呢度老闆娘~~~幾NICE~~~我地最後叫左4樣野！蜜椒雞翼:唔錯~~~外面脆口，有腰果碎加上適量o既蜜糖黏住！口感唔錯！肉身都好滑~~~辣雞煲:本人比較鍾意食辣！食過有D辣雞煲會辣到都唔知自己食緊咩！但呢個就o岩o岩好！而且裡面仲有莞茜同洋蔥！好香口！仲有個gas爐比你熱住！天氣轉涼倀呢個最o岩！胡椒豬肚湯:呢個真係堅料唔係薯條！好食到不得了！豬肚夠晒多！湯辣辣地但又唔會搶口！裡面除左有豬肚同味菜！仲有花甲！而且花甲數目都唔少嫁！果然真材實料！最值得一讚係落左粉絲！粉絲索左湯o既精華！正到不得了~~~食狙兩大碗！豉油皇炒麵:朋友話呢個係老闆招牌炒麵！果然正！夠乾身而唔油膩！飯後仲有糖水送！真係難得