Video
Read full review
2015-03-16
334 views
尋日收工同兩個朋友本身諗住打邊爐，但係有啲毛毛雨，費事行咁遠就去搵，於是上左OPENRICE搵野食，跟住搵到呢間日本料理，見到好多評語話呢間野唔錯，同食物質素唔錯。於是我地決定去試下，一入到店坐落，店員耐心咁同我地講解下菜式，感覺非常貼心。之後在確定餐單後，師傅就開始整我地嘅晚餐。前菜同小食方面，我地叫左汁煮日本蠔，汁煮磯貝粒，香料有馬煮，雞泡魚乾汁煮日本蠔，汁煮磯貝粒，香料有馬煮食落幾新鮮但係可惜味道都偏鹹，而雞泡魚乾點埋沙律醬一齊食，感覺都幾開胃，作為開胃小菜真係唔錯。而刺身方面，我地叫左個刺身拼盤(伊佐木<<<時令魚刺身，北海道珍寶牡丹蝦，白象拔蚌，中吞拿魚腩，吞拿魚腩，北海道海膽)所有嘅刺身都非常新鮮。而且師父刀功非常好，每片刺身大細適中，我個人最鐘意就係鮮魚刺身，餐廳係根據季節入唔同嘅魚黎做刺身，今次係伊佐木魚，刺身一食落口十分嫩滑，點埋師傅特製嘅醬汁，非常好味。另外吞拿魚腩食落有種會慢慢溶化既感覺，真心超級正。壽司(小白蝦與蝦膏壽司各兩件)壽司賣相精緻，飯團嘅飯量適中，入口嘅味道十分好味，但價錢就比較貴一啲。天婦羅(車海老，目光魚，穴子，苦瓜，舞茸，
前菜同小食方面，我地叫左汁煮日本蠔，
汁煮磯貝粒，
香料有馬煮，
雞泡魚乾
汁煮日本蠔，汁煮磯貝粒，香料有馬煮食落幾新鮮但係可惜味道都偏鹹，而雞泡魚乾點埋沙律醬一齊食，感覺都幾開胃，作為開胃小菜真係唔錯。而刺身方面，我地叫左個刺身拼盤(伊佐木<<<時令魚刺身，北海道珍寶牡丹蝦，白象拔蚌，中吞拿魚腩，吞拿魚腩，北海道海膽)
所有嘅刺身都非常新鮮。而且師父刀功非常好，每片刺身大細適中，我個人最鐘意就係鮮魚刺身，餐廳係根據季節入唔同嘅魚黎做刺身，今次係伊佐木魚，刺身一食落口十分嫩滑，點埋師傅特製嘅醬汁，非常好味。另外吞拿魚腩食落有種會慢慢溶化既感覺，真心超級正。壽司(小白蝦與蝦膏壽司各兩件)
壽司賣相精緻，飯團嘅飯量適中，入口嘅味道十分好味，但價錢就比較貴一啲。
天婦羅(車海老，目光魚，穴子，苦瓜，舞茸，南瓜，栗子)整體天婦羅啲脆漿好夠薄身又鬆脆。車海老非常爽身彈牙，穴子(鰻魚)天婦羅感覺好滑溜，肉質細膩幼滑。我也是第一次日本苦瓜，舞茸，栗子天婦羅，原來日本苦瓜比一般街市買到嘅苦瓜苦，舞茸嘅口感又夠特別，十分有嚼勁。美味。另一方面栗子甘甜可口，食完有陣一陣甜美嘅味道。可以一次過食咁多未試過嘅天婦羅，真係好有驚喜的感覺。
鱈場蟹腳蟹腳燒得岩岩好，非常鮮美，而且老闆仲預備叉俾我地呢啲真係好貼心。
燒白鱔白鱔燒完後表皮不會十分焦，肉質仍然十分嫩滑，絕對可以講得上係今餐飯嘅一大亮點。
總括而言，呢間舖頭用料都非常新鮮，亦睇得師傅用好多心機去製作食物，所以我都會向朋友推薦呢間石亭俾朋友，等佢地都可以試下日本料理嘅魅力。
Post
