Hawa Poke (Closed)

九龍灣德福food court最近有新鋪加入，係食最近好興嘅Poke，店名就叫Hawa Poke。呢度有preset好嘅Poke，都係最受歡迎最精選嘅款式，另外仲有其他小食。如果preset嘅Poke唔啱食，仲可以自選Poke配料。大滿貫有三文魚、吞拿魚、中華沙律、雜錦香菇、牛油果、蛋絲、蟹籽，調味方面就用上山葵蛋黃醬，再灑上木魚絲、紫菜絲同黑白芝麻。我本身係食壽司唔用Wasabi嘅人，但佢個山葵蛋黃醬只有微微嘅山葵香，唔會攻鼻，好啱我食，混合三文魚同吞拿魚一齊食味道又唔錯。呢個大滿貫最正嘅係有大大個牛油果，店員仲特別介紹佢哋係用澳洲牛油果，所以口感特別香滑。加州風味嘅配搭就有三文魚、青瓜、蛋絲、三文魚子、車厘茄，用日式胡麻醬做調味，然後同樣地灑上紫菜絲、木魚絲、黑白芝麻。雖然呢個配搭相對地簡單，我就特別鍾意佢加入咗青瓜，所以感覺特別清新。以前我食過嘅poke通常都係揀飯或者菜，而呢度就有得揀半飯半菜，所以營養更加均衡，如果我下次再嚟，我就會建議七分菜三分飯，咁個比例就更加完美喇！另外我就加咗小食，大大粒炸雞雞肉好滑，而且雖然係炸物，但都炸得好乾身，感覺唔油膩。另外仲揀咗流心炸芝士，個