Video
Read full review
2017-08-16
311 views
適逢佛誕長假期剛過, 與三五知己來到位於尖沙咀漢口道的潮式私房菜餐廳短聚. 餐廳裝修不錯, 有回到家食飯既感覺. 我地一行幾人坐係廂房入面, 私隱度極高. 閒聊一番之後點左個套餐, 菜式包羅萬有, 沒想到私房菜廚房都一樣能夠煮出咁多花款.我地先一人飲左一盅胡椒咸菜豬肚湯. 湯底胡椒味香濃, 豬肚軟硬程度適中, 沒有內臟腥臊味, ,確實不錯. 咸菜經長時間淆製後咸味亦減退, 容易入口.第二到菜係個潮式滷水拼盤. 滷水拼盤包括紅腸, 腎片, 豬肚, 咸肉等. 滷水相當出色, 味道突出, 咸度亦適中. 仲有個可愛笑面佛做伴碟, 十分應節.不得不提的係呢個鮑魚蒸水蛋, 最初以為鮑魚會蒸到硬晒難以咀嚼, 放入口後卻估唔到有驚喜. 鮑魚不但唔會韌, 食落仲保持到鮑魚原有既鮮味. 另外, 水蛋亦蒸得非常滑溜, 值得推篤俾各位為食之友.不得不提既當然係呢一味爆漿蝦丸. 蝦丸炸到金黃香脆, 粒粒都好似網球咁大粒.食落啖啖蝦肉, 簡直大滿足!!! 呢味蝦丸有別於一般潮州酒家食到既炸蝦棗,分別在於佢入面既爆漿. 我地最初唔知道入面既流心係咩東東, 有人估係芝士, 又有人估係沙律醬. 我地最後忍唔住問左侍應入
我地先一人飲左一盅胡椒咸菜豬肚湯. 湯底胡椒味香濃, 豬肚軟硬程度適中, 沒有內臟腥臊味, ,確實不錯. 咸菜經長時間淆製後咸味亦減退, 容易入口.
第二到菜係個潮式滷水拼盤. 滷水拼盤包括紅腸, 腎片, 豬肚, 咸肉等. 滷水相當出色, 味道突出, 咸度亦適中. 仲有個可愛笑面佛做伴碟, 十分應節.
不得不提的係呢個鮑魚蒸水蛋, 最初以為鮑魚會蒸到硬晒難以咀嚼, 放入口後卻估唔到有驚喜. 鮑魚不但唔會韌, 食落仲保持到鮑魚原有既鮮味. 另外, 水蛋亦蒸得非常滑溜, 值得推篤俾各位為食之友.
不得不提既當然係呢一味爆漿蝦丸. 蝦丸炸到金黃香脆, 粒粒都好似網球咁大粒.食落啖啖蝦肉, 簡直大滿足!!! 呢味蝦丸有別於一般潮州酒家食到既炸蝦棗,分別在於佢入面既爆漿. 我地最初唔知道入面既流心係咩東東, 有人估係芝士, 又有人估係沙律醬. 我地最後忍唔住問左侍應入面流心係咩黎, 答案真係令人意想不到呀!原來係棉花糖!?!?當侍應開估之後我地先紛紛認得原來入面包住既係由細食到大既野, 出奇地蝦丸同棉花糖原來咁夾喎, 蝦丸Q彈, 流心香甜, 令人回味!
蝦丸以9秒9速度迅速被清晒!
再黎一味富貴既餸, 花膠北菇炆鵝掌. 鵝掌一向係我鐘意既食物, 一上枱相機食完後我即刻夾左隻去啜. 鵝掌炆到好稔好入味, 大廚仲細心到幫佢剪左指甲先上枱, 食得好開心. 花膠同北菇亦係相當出色, 爽口彈牙, 食過翻尋味. 就連伴碟既小棠菜, 都被大廚雕到好似藝術品咁, 睇得又食得!
條蒸魚去晒骨, 食落啖啖肉, 簡直係我地呢挺懶人恩物! 魚肉雖然亦算新鮮, 但味道略咸, 唔喜歡重口味人士可以要求減咸.
金華火腿津白, 津白煮到好軟身, 好入味! 仲有淡淡火腿香, 非常好食!
一餐飯食到最後當然要用一個靚既甜品做總結. 童心未泯既我地見到個芒果布甸即刻啟動第二個胃. 布甸配合花奶好香好甜. 份量亦都好充足, 每人分到兩大件. 食埋個甜品我地一行幾人都飽到不行了!
今次同朋友久久一聚, 仲食到餐咁好食既晚飯真係好滿足. 呢間私房菜認真值得推薦, 尤其適合家庭或朋友聚會.快啲黎試下啦!!
Post
