潮人私房菜 (Closed)

香港人愈來愈興食私房菜了～然而私房菜又有幾多間是賞心悅目又值得回味的呢？這家私房菜的人都已上了一把年紀了，有禮貌得來又帶點含蓄。地方不是很大，每日只能做到幾圍客人，還有兩三間獨立的房間，客人可以更有私癮地暢言了。是日有8個菜，包括湯水和甜品，4人份量，每位$330～雖然是4人，但份量相當多，基本上都吃不完。「大白菜豬肺湯」味道真的一流，足料老火湯的味道，尤如阿媽靚湯一樣，每一口都是精華，非常滋潤！豬肺處理得很好，一點腥臭味都沒有，口感像花膠，沾醬油吃，非常美味！「花雕蛋白蒸蟹」份量十足，蛋白幼滑，帶點淡淡的酒香味，大大隻肉蟹，肉質鮮甜，而且蟹膏仲好多，好味。「鮮蝦荷葉飯」很香！每隻蝦都開了邊，撒上蒜蓉，無論味覺或視角都一流！「蒜蓉粉絲蒸扇貝」大大隻扇貝重量十足，無需太花巧，最緊要新鮮！「上湯火腿浸津白」味道清淡得來又剛剛好，份量很多。「薑蔥蒸海斑」蒸煮的時間拿捏得剛剛好，肉質嫩滑又鮮甜！「咕嚕肉」很特別，因為不是用傳統的菠蘿，而是用蘋果肉，酸酸甜甜，很開胃。「芒果布甸」用了很可愛的Hello Kitty模具製作，賣相非常可愛！但是味道上反而一般，不夠真實，質感上可以做得實在一點，如果加

整體食物水準不錯, 黃金蝦炸得香脆, 味道亦夠。朋友讚賞花雕蛋白蒸蟹, 酒味剛好。個人認為咕嚕肉略遜一籌, 只能說一般。整體水準有住家飯FEEL, 沒有太大驚喜, 但好味, 絕對可以再試, 而價錢亦合理。唯人手可能不足, 可再改善。

地點：位置好方便，地鐵站行2-3分中環境：地方唔算大，但都算舒服，可以有一間房仔，適合傾計服務：住家式感覺，有笑容，唔錯食物：1) 豬肺湯無味精清甜，住家式味道，2) 蒜蓉蝦籠仔蒸飯，味道好，可惜蝦細肉薄，3) 花雕蛋白蒸鮑魚，花雕味夠蛋白都滑，但鮑魚無咩味，4) 蒜蓉粉絲蒸扇貝，正常味道，5) 蒸海班，火候啱啱好，6) 蘋果咕嚕肉，平時食開都係配菠蘿，配蘋果都唔錯，咕嚕肉就乾同硬左d，7) 上湯火腿津白，清甜，但火腿無咩味，8) 甜品芒果布甸，太差，啫喱粉開總結：整體感覺唔錯，食物味道都ok，食物質素有待提升，個人覺得呢個價錢對比食物應該可以有更好菜式，

今日係萬聖節，原本想搵間有氣氛d既西餐廳食下飯，不過生日嘅朋友想食中菜，我地就搵間私房菜同佢賀一賀壽！不過呢餐飯只能話不過不失，同阿媽煮飯差唔多⋯私房菜？！可能我期望高左⋯一入到去格局環境一般般，唔算非常光鮮企理心大白菜豬肺湯湯冇味精, 唔會太鹹太油,唔錯..花雕蛋白蒸鮑魚一黎到, 酒味幾白,蛋白份量都多, 而且滑,鮑魚就係放O係蛋上面蒸lor…鮑魚就冇乜味..荷葉蒜蓉蝦飯賣相OK既, 蒜蓉都幾多,好可惜一咬落D蝦… 林既…蝦唔大隻都算喇…仲要唔新鮮加埋甜豉油, 味道係可以既…不過對D蝦真係幾失望…金銀蒜粉絲蒸炒絲扇貝扇貝算新鮮, 同D豉油粉絲蒜蓉蒸,正常!南乳炆豬手色水OK , 炆得都幾林,而且入味, 都好食既…豉汁盤龍鱔一睇個賣相已經唔太靚，上盤都好好抺下d碟邊，靚靚仔仔上吖，D鱔唔算粗，正常size，個豉汁都幾好夠濃味，好可惜條鱔＂林＂嘅，肉質唔爽，大打折扣金銀蛋莧菜份量幾多BOR , 莧菜唔老,正常!甜品就真係無心思又唔好食⋯唔好俾個kitty模呃左，佢只係一個用粉開加左少少花奶嘅布甸⋯甜甜地一舊膏，冇乜芒果味果隻lor!$330一位我覺得唔值囉⋯唔期望有咩特別菜式，都會期望用

糯米雞切開裹面有糯米飯，糯米吸收晒雞汁嘅精華，正。蛋白花雕蒸蟹貌相吸引用新鮮蛋白，食落去好滑有花雕酒香。聞到花雕酒既香味, 蟹肉結實, 味道好鮮甜蒸扇貝夠新鮮，有鮮味。蒜蓉粉絲吸曬扇具既海水味。

自己生日飯自己選了這家，只因為很想吃很久沒吃過的花雕蛋白蒸蟹。我們有自己的房間，這就最好了，聊天都可以聊得痛快點。先是上這個大白菜豬肺湯，這個湯不錯，清甜而真有住家老火湯的味道，我們把湯料幾乎吃光。花雕蛋白蒸蟹，拿出來是香香的，但吃下來是帶點酒的苦味，蟹也沒什麼鮮味。荷葉蒜蓉蒸蝦飯，蝦味是有點，但飯就像普通白飯，沒荷葉香味，感覺是飯還飯蝦還蝦沒有連繫。金銀蒜粉絲蒸扇貝，蒸過頭了，我們一致覺得從未在其他食肆吃過如此韌的扇貝，要花點力才能把肉刮出來。蘋果咕嚕肉，沒什麼特別。蒸海班，蒸的時間可以，但就沒什麼魚味。上湯火腿浸津白，這個就真的幾好味，口中好像滲點奶油味。甜品是芒果布甸，完全得個樣，是用粉開出來的。我與另一位朋友因之前吃過附近一家私房菜，就是有比較，相對食物的質量總覺得HKD330/位是不太值，所以整體而言是有點失望的一餐。

前陣子，為慶祝家人生日，特別在潮人私房菜訂位食飯！！ 當晚一行五人，被服務員安排到小房間進餐。房間環境非常好，跟大廳相比，非常安靜。當然房間大小對於五人來說也算寬敞，我們坐得非常舒服。 但當然是晚的食物才是重點。在訂位的時候，餐廳已跟我們確定是晚5位用的菜單。如下：1.鮑汁花膠鴨掌2.荷葉蒜蓉蒸蝦飯3.蒸海班4.蘋果咕嚕肉5.上湯火腿浸津白6.蟲草花水晶雞7.大白莱豬肺湯8.甜品各種菜色都非常出色，重點是很少味精。 家人也吃得得開心。滿意滿意！

父親節正日, 父親大人早前話要食私房菜, 上網揾到依間潮人私房菜!!早兩星期打去訂位, 會即刻收到菜單!! 之後落左少少訂.一去到, 已經有一間房準備左俾我地, 環境好舒服! 齊人了, 先來花生豬骨湯, 有專人分埋湯, 好香好足料! 之後有花雕蟹, 聞到好香花鵰味, 食落又唔太覺,最緊要係d蟹殼已經打碎左, 好易食, 好細心!! 之後就係籠仔蝦飯, 超大盤, 爸爸表示好好食, 食左三碗!! 再上鮑魚, 食完其實都飽飽地! 但仲有魚, 雞碟, 咕嚕肉同菜! 碟碟都好大碟, 味道又唔錯!!食到好飽 最後送上鯉魚型布甸, 但真係太飽, 食唔哂

一年一度會約埋d啱傾啱講嘅舊同事，其實已經可以講已成為朋友，但係每次都頭痛諗食乜，buffet其實最好什麼也有，不過要行出行入囉食物，認真想傾下都要等齊人，今次轉到我負責，所以用openrice揀下有什麼選擇，想酒樓訂一圍全包宴，好彩比我揾到呢間佢有房提供比我地，食物亦幾啱大家，所以就book了。11人要deposit $1100 入脹亦方便。蛋白花雕蒸蟹實用新鮮蛋白滑又濃濃酒香糯米雞真係用雞讓入糯米，呢個餸最特別最驚喜，糯米吸收晒雞嘅精華，好入味真係好！蒸扇貝又點老左些 帶點韌，不過海鮮熟點較安全！南乳炆豬手 炆得好鬆軟又入味，好重骨膠源，膠著口。鹹肉津白普通鹹肉已經無晒鹹味，反而津白軟淋！蒸魚都剛熟又滑其他還有黃金蝦，甜品，碟碟餸都夠份量，個個都夠晒飽。還每人有一罐飲品，人均$330 ! 可惜最後埋單佢地都無囉問我地飲乜囉！ 突然有朋問點解無野飲先記得，最後每人有罐飲品take away

本來book這餐是為補祝朋友生日,盛興而來,敗興而返.....(以上是綜合了自己與朋友的感受)一來的茶,給一壼只用一包茶包,還要是陸羽茶包(補多句，陸羽係超市茶包中最cheap那種，同顏色水無異)叫了"亞姐"換壼熱水給我們(泡自己帶來的川寧茶包)1.花生眉豆雞腳湯首先來湯,我訂這個,卻來錯湯(送來豬肺湯,有朋友不喜歡),仲要拿壼湯來,一人一碗就收走湯壼了)湯真的咁貴,添都唔得?!2.海參炆鮑魚<附照片,我影得靚>(味道ok,但真的計得好盡,每樣一件,海參因碎上才2件)3.香煎墨魚餅(幸好夠大件,但係好普通粟米墨魚餅)4.蒸海班(蒸老了的,而且不是新鮮的,是死魚,睇魚眼就知)5.蘋果咕嚕肉(這個菜味道ok,但蘋果不見有什麼特別特出)6.上湯火腿浸津白(超便宜的餸,連火腿都似循環再用般都無味)7.蟲草花水晶雞(這是最細碟的,而且什麼是水晶?)最後個"阿姐"可能聽到我地講唔飽,才講可叫白飯(咁既餸炒飯都無)那時餸已食晒,無人有心機乾啃白飯8.甜品(啫喱粉布甸....)9.汽水每人一罐(已覺得好唔抵,所以點都要拿/飲)出街食,預了比人賺,但唔係預比人呃,我自己都會煮餸,此餐比到

一班人食飯, 有時食下中菜都唔錯, 我地唔鍾意好逼既環境, 又想一班人好舒服咁傾計, 好多餐廳都會有一種食完就要走既感覺, 付我地覺得好趕好唔自在, 於是朋友上網搵到一間私房菜, 相信就可以比到呢個感覺比我地!我地去到成間餐廳都好有住家FEEL, 職員見到我地一班人, 就比左間房比我地。 我地點完菜後, 仲可以輕輕鬆鬆, 一路睇電視一路等菜黎, 成個感覺都好舒服, 同出面既餐廳食飯既感覺完全兩回事!一開始上老火湯比我地濕濕喉嚨先~ 紅蘿蔔大白菜豬肺湯呢D乾燥又涼既天氣飲就最岩, 湯好足料, 用左好多材料去煲, 飲落清甜又唔肥膩! 我地都爭住飲, 湯渣都好有味道, 紅蘿蔔超甜! 煲老火湯都要有好多心機同時間去煲!之後就到大大隻糯米雞, 菜如其名, 真係一大隻脹卜卜既燒雞, 裡面包住糯米飯, 個雞好嫩滑, 糯米雞濕度同黏度都好好, 糯米飯仲有蔥粒同花生, 令糯米飯變得好有層次同口感。果然係招牌菜!胡椒蝦都係一道好出色既菜式, 蝦肉好結實彈牙, 胡椒味都幾香! 又唔會整得太咸, 調味岩岩好!我地一班人食完飯仲可以開開心心傾計, 完全無好急趕既感覺! 食得開人又舒服, 呢個先至係令人回頭既好餐

舊同事一齊聚埋一齊去食飯, 我地成日都出去食日本菜、泰國菜等等, 今次我地搞搞新意思, 食下私房菜！😆😆我之前已經做好功課, 上網睇下邊間好食, 於是就揀左食潮人私房菜💁🏻我地入到去安排左房間比我地, 好有私人空間既感覺！❤️ 入面仲有電視比我地睇, 成個設計都好有屋企既味道💕我地揀左幾樣佢呢度出名既招牌菜✨✨ 首先上既係黃金四季豆, 姐係將咸蛋黃壓爛炒成沙再炒四季豆, 聞落都已經好香, 食落咸蛋黃已經起沙, 咸蛋味好濃, 四季豆已經入哂味, 口感好豐富！😋😋糯米雞真係一隻雞上, 好特別既一道菜, 🐥雞身釀滿糯米飯, 糯米飯中有雞既香味, 而家天氣開始涼涼地, 食下D糯米飯暖暖身都唔錯！😚😚食中菜, 食魚就知道果間餐廳既技術掂唔掂, 我地點左糟滷炒桂魚, 條魚都幾大條, 起哂肉, 食落條魚好滑好鮮甜又入味, 😃😃 無咩魚骨, 煮得岩岩好, 汁有少少酒香味, 整得非常出色, 我地好快就清碟！😁😁😁我地都食到好飽, 食得出係住家菜, 而且無味精, 食完都唔會覺得好口渴👅, 有時出街食, 食下呢D私房菜都唔錯, 下次會再黎食下其他唔同既菜式, 等我呀🤗🤗

我地一入到去, 同其他餐廳相比, 已經有不一樣既, 入到去果然好有家的感覺。職員安排左房比我地, 之後佢就介紹一下餐廳既招牌菜。呢度雖然話私房菜, 但都有好多菜式比客人選擇, 。我地點左幾道菜, 分別係花雕蛋白蒸蟹、蘋果咕嚕肉、黃金四季豆同糯米雞。花雕蛋白蒸蟹一黎到已經令我地好驚訝, 隻蟹好大隻, 蟹蓋中都有唔少蟹膏, 蟹鉗好大好多肉, 好鮮甜, 蛋白好嫩滑, 有些少花雕味, 更有濃郁蟹既鮮味, 蛋白吸收哂所有精華。邊個話糯米雞係無雞? 呢度糯米雞一打開就有一大隻雞, 糯米飯已經入哂味, 黏度恰度好處,粒粒分明, 而雞肉好嫩, 兩者一齊食, 更加好味!蘋果咕嚕肉就真係第一次試咁既配搭, 咕嚕肉炸得好香脆, 仲有陣陣蘋果香味, 食落酸酸甜甜幾開胃, 估唔到咁既配搭都可以比佢諗到, 帶比我地新鮮感, 蘋果同咕嚕肉都可以係埋一齊!我地都清得七七八八, 最後一定唔少得甜品!芒果布甸做成鯉魚型, 好可愛。水塘變作花奶, 花奶好香滑, 芒果布甸入口即溶。食左咁多道菜, 最後食一道甜品畫上完美既句號。呢度無論環境同菜式都比到我家既感覺, 果然係私房菜!

單身狗又有聚會啦，今次係私房菜飯聚，大開眼界，聽聞私房菜一向都係菜式獨特取勝，唔知又食到咩特別既菜呢？坐低飲番碗湯先，湯係白菜豬肚，清甜解渴，有種想再追飲既感覺黃金四季豆，竟然比佢諗到用咸蛋黃炒四季豆，鹹鹹地好惹味，令到平平無常既四季豆忽然地又可以咁好食蘋果咕嚕肉，酸酸甜甜，咕嚕肉唔會太粉，汁都沾得夠平均，唔會太多亦唔會太少，略嫌青椒份量唔夠多胡椒蝦，胡椒味有少少辣辣地，同蝦炒埋一齊，比平常豉油美極蝦多左份辣，更加惹味，不過如果剝左殼就更入味炒桂魚，用左特別的汁去煮，有陣陣酒香味，魚肉捲成一舊，微微咬開又食到，夠滑，份量亦好多，魚超大條糯米雞，面頭超多花生芫茜，原隻雞裡面釀上糯米飯，雞肉不會太鞋口，糯米黏度剛好，陣陣香味都由雞裡面逼發出黎，結果令雞充滿糯米味，而糯米又充滿雞味，不錯

潮人偶然都要食下煮家菜，所以識揀呢間潮人私房菜啦，有海鮮各樣菜，只要早少少訂位就得，黎到就有得食黎到先飲番個湯先，個湯都幾好味，味道唔會太淡，飲啖湯吹兩嘴，再食少少湯料，好快就上主菜花雕蛋白蒸蟹，一大片蛋白，加上非常奪目的一隻蟹，聞上去非常之香的花雕酒味，令人賞心悅目，仲有蟹的鮮味，非常多肉，正！胡椒蝦，蝦夠新鮮大隻，肉質爽口彈牙，最緊要係胡椒味重而入味，蝦先食得夠滋味糟滷炒桂魚，其實我一開始都唔太清楚糟滷係咩意思，但當下食落去淨係知好味，魚肉又滑又嫩，糟滷原來係一種酒類調味，所以食落有少少酒味，加埋爽口既雲耳，好味呢整體黎講菜式都係比較創新，外面都未必有試過，味道不錯，價錢亦合理