Video
Read full review
2024-10-01
550 views
定食，叫咗三款熱菜一款冷菜。秘製Masala雞: 有少少微辣，唔食辣嘅人都應該可以接受到，而且雞都滑，唔會煮得好老。日式醬燒茄子: 個醬汁幾好食，而且茄子都好肥美，送飯一流！ 如果再多少少汁就好啦。自己最鍾意呢一道菜，好有日本家常便飯嘅感覺。鹿兒島吉列黑豚肉餅: 即叫即炸嘅，味道正正常常，但係肉汁都保留到嘅。沙律菜配百香果柚子檸檬汁: 自己鍾意佢個汁，平時食到嘅通常就咁係柚子檸檬汁，加咗百香果，可能自己真係好鍾意酸酸甜甜嘅感覺，所以好鍾意呢一個冷菜。呢個定食包左一碗飯同埋一個湯，今日嘅湯係磨菇湯，自己好鍾意！ 真係食到廚師用心煮嘅，食得出落咗好多料。甜品本身其實都真係好飽，但係見到隔籬枱食得咁開心，所以自己叫咗個朱古力醬香蕉。本身以為佢嗰塊嘢係會好似出面咁樣用上牛角包咁樣嘅酥皮，點知食落去會比較似千層酥嘅酥皮，食落去冇咁脆身，但係多咗一份綿綿嘅感覺，自己覺得配上香蕉都幾夾。同場加映之前買過一個油治及輕忌廉，都係為咗趕上潮流，好似喺日本好興嘅，呢度就食到搜吓一個啦，叫咗有時開心果，食到中間嘅新鮮會有柚子醬，但係開心果好澎湃，其實係炸麵包配上忌廉，感覺幾新奇，未試過嘅可以試吓。總結：喺荃灣
秘製Masala雞: 有少少微辣，唔食辣嘅人都應該可以接受到，而且雞都滑，唔會煮得好老。
日式醬燒茄子: 個醬汁幾好食，而且茄子都好肥美，送飯一流！ 如果再多少少汁就好啦。自己最鍾意呢一道菜，好有日本家常便飯嘅感覺。
鹿兒島吉列黑豚肉餅: 即叫即炸嘅，味道正正常常，但係肉汁都保留到嘅。
沙律菜配百香果柚子檸檬汁: 自己鍾意佢個汁，平時食到嘅通常就咁係柚子檸檬汁，加咗百香果，可能自己真係好鍾意酸酸甜甜嘅感覺，所以好鍾意呢一個冷菜。
呢個定食包左一碗飯同埋一個湯，今日嘅湯係磨菇湯，自己好鍾意！ 真係食到廚師用心煮嘅，食得出落咗好多料。
甜品本身其實都真係好飽，但係見到隔籬枱食得咁開心，所以自己叫咗個朱古力醬香蕉。本身以為佢嗰塊嘢係會好似出面咁樣用上牛角包咁樣嘅酥皮，點知食落去會比較似千層酥嘅酥皮，食落去冇咁脆身，但係多咗一份綿綿嘅感覺，自己覺得配上香蕉都幾夾。
同場加映之前買過一個油治及輕忌廉，都係為咗趕上潮流，好似喺日本好興嘅，呢度就食到搜吓一個啦，叫咗有時開心果，食到中間嘅新鮮會有柚子醬，但係開心果好澎湃，其實係炸麵包配上忌廉，感覺幾新奇，未試過嘅可以試吓。
總結：喺荃灣搵到呢一種咁家庭式嘅餐廳真係好少有，而且望落去廚師同埋侍應都好後生，感受到佢哋係為一間餐廳打拼，而且食物嘅質素都有返咁上下，會再支持。
Post
