Video
Read full review
2022-09-09
357 views
成日都聽到有人話觀塘食野要試下NUTMAD，但係成日都無位，點知初訪竟然畀我遇到 bar 頭有最後兩個位， 一於試下佢～！ 單憑外觀， 會覺得佢係一間餐廳， 多於一間cafe，無論店內空間以及裝潢都有比較著重用餐嘅感覺，坐低左見到佢啲豆，問下店員有關手沖嘅問題，之後咖啡師哥哥亦有詳細咁介紹返佢地唔同嘅豆 同埋佢地亦都有豆賣， 我都根據咖啡師介紹買左一包返去試下，亦揀左兩款唔同嘅手沖堂飲～ cafe嘅感覺立即返返晒嚟～ 講返餐飯，前菜叫左海鹽千層薯，好多同價錢嘅餐廳， 都唔會花心機時間 去整呢個 Potato Pavé ， 又要切又要砌又要壓又要等又要雪又要焗，功夫其實唔少，如果未食過呢個小食嘅朋友記得試下。主食先叫左個黑毛豬， 咖啡香料加埋蜜糖香煎，外脆內軟， 熟度啱啱好， 癡住骨果啲位都畀我拎位齒晒嚟食另外再叫左個松葉蟹意粉，先講個擺盤已經好鬼靚，打咭一流， 海鮮配香草醬一向都係好好嘅配搭，呢樣野以佢地其他食物嘅質素嚟講根本唔會輸喇。咁啱因為我地坐bar頭，佢地嘅廚房係開放式，主廚哥哥見到我地不停欣賞緊佢地嘅「作品」，都好樂意走嚟同我地分享下佢地嘅工序，同講解下佢對於餐廳嘅理念同目標
單憑外觀， 會覺得佢係一間餐廳， 多於一間cafe，無論店內空間以及裝潢都有比較著重用餐嘅感覺，坐低左見到佢啲豆，問下店員有關手沖嘅問題，之後咖啡師哥哥亦有詳細咁介紹返佢地唔同嘅豆 同埋佢地亦都有豆賣， 我都根據咖啡師介紹買左一包返去試下，亦揀左兩款唔同嘅手沖堂飲～ cafe嘅感覺立即返返晒嚟～
講返餐飯，前菜叫左海鹽千層薯，好多同價錢嘅餐廳， 都唔會花心機時間 去整呢個 Potato Pavé ， 又要切又要砌又要壓又要等又要雪又要焗，功夫其實唔少，如果未食過呢個小食嘅朋友記得試下。
海鹽千層薯
21 views
0 likes
0 comments
主食先叫左個黑毛豬， 咖啡香料加埋蜜糖香煎，外脆內軟， 熟度啱啱好， 癡住骨果啲位都畀我拎位齒晒嚟食
慢煮西班牙伊比利亞黑毛豬
24 views
1 likes
0 comments
另外再叫左個松葉蟹意粉，先講個擺盤已經好鬼靚，打咭一流， 海鮮配香草醬一向都係好好嘅配搭，呢樣野以佢地其他食物嘅質素嚟講根本唔會輸喇。
松葉蟹蘑菇開心果香草醬意大利麵
22 views
0 likes
0 comments
咁啱因為我地坐bar頭，佢地嘅廚房係開放式，主廚哥哥見到我地不停欣賞緊佢地嘅「作品」，都好樂意走嚟同我地分享下佢地嘅工序，同講解下佢對於餐廳嘅理念同目標。
佢地唔單係主食，其他伴碟都好有心思，全部都係可食用嘅花，主廚叫我地試下千層薯連埋啲花一齊食，味道上又有唔同嘅變化，之後佢仲介紹我地點樣用同一款咖啡豆沖到完全唔同口味風格嘅手沖，真係塞錢落我地袋又食又拎， 多謝晒～！
Post 完 story ，友人立即話麻婆豆腐千層麵都好好食， 下次一定要試下～！
Post
