Video
Read full review
2021-11-16
540 views
.📍麥文記麵家📍#饅頭去佐敦 #饅頭的港味道以前對任何地方嘅嘢食都唔太抗拒，但始終覺得香港地道美食係最值得我去欣賞同支持💁🏻，所以第100個post就決定留比，佐敦呢間60幾年嘅老字號。總括而言 掂 超正 無得頂 無條件好評🤓❤🤘🏻🤘🏻------------------------------1️⃣南乳豬手撈麵 ($54) 呢度豬手撈麵我無條件好評😍，一開始見到個價錢會覺得有啲貴，估唔佢咁大碟兼比咗四隻豬手。豬手蚊嘅時間同火候都控制得好好，入味有光澤🤤，南乳同柱候醬又未至於完全入曬骨。豬皮唔會太冧保留到少少彈牙爽口嘅質感，每一啖都feel到勁多膠質😋，醬汁好香甜濃郁，但唔會太重口味，食完唔會覺得口渴；竹昇麵煮嘅時間啱啱好，爽身唔易斷，彈牙到咬落去會有聲，條條分明，完全冇鹼水味👍🏻，同豬手嘅精華(豬油)油同埋醬汁撈埋一齊，濕潤度恰到好處，每一啖都係享受，再嚼埋豬手骨入面嘅醬同膠質就更正。我覺得成碟麵唯一嘅缺點就係啲麵太長，夾開佢有啲辛苦😂。至於湯就係用大地魚 蝦乾同埋其他醃曬過嘅海味熬製而成，就咁飲會偏鹹，用嚟中和下豬手嘅甜味就啱啱好。◾評分：8.6/10-----------------
📍麥文記麵家📍#饅頭去佐敦 #饅頭的港味道
以前對任何地方嘅嘢食都唔太抗拒，但始終覺得香港地道美食係最值得我去欣賞同支持💁🏻，所以第100個post就決定留比，佐敦呢間60幾年嘅老字號。
總括而言 掂 超正 無得頂 無條件好評🤓❤🤘🏻🤘🏻
------------------------------
1️⃣南乳豬手撈麵 ($54)
呢度豬手撈麵我無條件好評😍，一開始見到個價錢會覺得有啲貴，估唔佢咁大碟兼比咗四隻豬手。豬手蚊嘅時間同火候都控制得好好，入味有光澤🤤，南乳同柱候醬又未至於完全入曬骨。
豬皮唔會太冧保留到少少彈牙爽口嘅質感，每一啖都feel到勁多膠質😋，醬汁好香甜濃郁，但唔會太重口味，食完唔會覺得口渴；竹昇麵煮嘅時間啱啱好，爽身唔易斷，彈牙到咬落去會有聲，條條分明，完全冇鹼水味👍🏻，同豬手嘅精華(豬油)油同埋醬汁撈埋一齊，濕潤度恰到好處，每一啖都係享受，再嚼埋豬手骨入面嘅醬同膠質就更正。我覺得成碟麵唯一嘅缺點就係啲麵太長，夾開佢有啲辛苦😂。至於湯就係用大地魚 蝦乾同埋其他醃曬過嘅海味熬製而成，就咁飲會偏鹹，用嚟中和下豬手嘅甜味就啱啱好。
◾評分：8.6/10
------------------------------
2️⃣首創全蝦雲吞($40/8粒)
原本以為係比一般雲吞好食D，結果第一啖咬落去嗰陣係勁有驚喜，完全估唔到佢嘅蝦係咁大粒，好有嚼口，咬落去係會有索索聲😁。
呢個雲吞嘅特別之處係唔會加肥豬肉，加上雲吞皮夠薄，蝦嘅鮮味完全出曬嚟，隱隱約約見到蝦側邊有少少甜甜地嘅醬包圍住食唔出係咩嚟，但係配落去好夾。正宗嘅飲法係食一啖雲，再飲一啖含大地魚加韮菜鮮味嘅清湯，湯底冇上面嗰個咁鹹，個人更加鍾意呢個湯底❤️。
◾評分：8.3/10
------------------------------
🔸整體評分：8.5/10
🔸小編回頭率：8/10
首創全蝦雲吞
$40
25 views
0 likes
0 comments
南乳豬手撈麵
$54
23 views
0 likes
0 comments
Post
