蛋仔記雞蛋仔

Open Now

Now Closed

今日經過旺角見到好多人排隊，我都好耐冇食過雞蛋仔，見到呢間啲口味咁多，忍唔住買嚟試吓😆😆✅章魚燒雞蛋仔好特別，第一次見到呢款味，食落去真係有章魚燒嘅感覺！外皮脆卜卜，咬開入面有熱辣辣嘅章魚省餡，仲有啖啖彈牙嘅章魚粒，配埋濃郁嘅美乃滋同鹹甜嘅章魚燒醬，食落層次好豐富，整體唔會好油膩難消化，特別啱鐘意鹹甜口味嘅人，✅開心果醬格仔餅格仔餅金黃香脆，入面一層厚厚嘅開心果醬鋪滿面，落好吸引。咬落去，開心果醬香氣好濃郁，味道帶啲堅果嘅自然甜，唔會太膩，加埋格仔餅嘅脆口口感，真係好滿足！✅白桃紅茶香味突出，茶味偏清新，唔會太濃，入口帶住桃子嘅甜香，飲落好爽口又解膩