三哥廚房擔擔麵菜飯專門店

Open Now

Now Closed

馬鞍山近年轉變非常大, 連鎖店多左, 就連食肆都係UCC、和民、翡翠...同外面大商場無咩分別。自從搬離呢區, 已經好少係度食。星期日度度都多人排隊, 即管OPENRICE有咩新野好食, 就見到呢間開左近1年既三哥廚房。我諗同譚仔冇關係掛?今次三個人一共叫左2個主食1個配菜, 埋單唔駛$150, 我諗同去快餐店食差唔多錢, 就當支持一下小店都值得既。排骨飯有3個汁可選, 今次要左鎮江汁, 原來汁係落左下飯面, 菜飯頗大碗幾好食; 排骨熱辣上檯, 稍薄肉, 粉唔算厚, 都炸得幾好。豬手擔擔麵入面麵條唔多, 豬手炆稔而入味, 如果可以再多幾舊就正啦! 唔夠辣可以再落檯面有既辣油, 重麻味, 唔錯。