小安南越南河粉 (Closed)

呢個星期嘅工作都好趕忙，昨晚好早就去瞓，一覺醒來好精神，個肚就好空虛，嗱嗱臨梳洗去食早餐😄呢間越南餐廳已經幫襯過幾次食午餐，味道唔錯👌今日就試吓佢哋嘅早餐，係咪都一樣好食。佢哋有6款早餐，5款係粉麵，1款係果仁紅莓甜麥皮。今日揀咗馬來沙嗲牛肉檬粉配煙肉煎蛋牛肉好嫩，完全食唔到鬆肉粉味，沙嗲除咗有濃濃香料味，仲有粗粒嘅花生碎，色香味都唔錯。完全唔同茶餐廳果種。煙肉煎得好香脆👍整體都唔錯唔貪快，肯花時間心思，食物水準唔會差，呢啲小店亦都值得幫襯