小安南越南河粉 (Closed)

【大埔區】【小安南越南河粉】一個人喺大埔近太和嘅位置唔知食乜好，行經好多餐廳都冇乜感覺，已經有啲肚餓，見到呢間好似唔錯就走咗入去。入面都幾企理，唔會好侷或者有陣味，整整齊齊咁已經畀到好感我。環境上我要求真係好簡單，唔難做到。坐低就叫咗碗 $78 嘅「小安南火車頭湯河」，叫火車頭河嘅好處就係乜都有得食，諗都唔使諗。佢呢碗就有美國肩胛牛肉、牛丸、越式扎肉同埋雞絲，都幾多嘢。但係我有少少略嫌佢係偏細碗，預咗火車頭河係大大碗架嘛。味道上佢都唔錯嘅，啲食材正正常常，發揮出應有水準，都唔會話難食。講到自己咁餓，起碼都追加一款小食影張相畀大家睇，我就揀咗 $25 嘅「泰式魚餅」三件，佢釀咗好多辣椒喺入面，好辣，但係幾夾個魚餅，係好食嘅。之後我仲叫多個 $26 嘅「越南絲網春捲」四件，見佢貼咗出嚟，又平平哋咪食吓。炸到熱辣辣，幾好。嘢飲我飲 $48 嘅「鮮果牛油果沙冰」，係用心之作，牛油果味算濃嘅。咁樣食咗我 $177，我覺得以呢個質素嚟講唔算過份。。。（地址：大埔舊墟直街30號美利大廈地下10號舖）#1amfoodie #foodie #hkfoodie #thatfoodiething #hkfo

靜靜座落在大埔角落的小店，卻有著名聲大噪嘅香濃湯底⁉️扎肉河粉- 一上檯見到有扎肉、有蘿蔔，暗喜左一下😏但原來扎肉薄得可憐😕不過欣賞有米香味嘅河粉，縱然湯底唔夠濃，都食得滿足😋小安南火車頭湯河｜美國肩胛牛肉｜牛丸｜越式扎肉｜雞絲- 可能我期望太高，我覺得同理想中嘅香濃湯底仲有一段頗長嘅距離😕香料味亦未見搶眼😕不過值得一讚，係牛肉同牛丸都靚料，爽口彈牙有肉味😙上湯白蘿蔔- 令人失望嘅小菜，先不論我覺得湯底唔夠濃啦，好明顯上湯同蘿蔔係上檯前先合體，兩種味道完全分離。而且蘿蔔偏爽，無甜味😕

去開附近游水，嚟到呢間小安南越南河粉。餐廳入面嘅座位不多，要等咗5-10分鐘先入到去。餐廳主打越南風味菜式，除咗飯之外仲有湯河同撈檬，不過粉面類嘅餐點要加十幾蚊先有嘢飲，所以我揀咗食飯。我叫咗炸雞翼煎魚餅飯，雞翼同魚餅嘅份量都唔係幾多，不過加埋啲豉油汁都叫做夠餸飯食。雞翼炸得幾香同酥脆，入面嘅雞肉依然係嫩滑多汁。魚餅就正正常常，唯一挑剔嘅就係得兩嚿，份量好似太少。跟餐加咗杯凍奶茶，幾特別嘅係呢度嘅糖漿係自己加嘅，鍾意幾甜都可以自己決定。總括嚟講，因為大部份主食都要加十幾蚊先有野飲，所以性價比偏低，有啲可惜。

冇諗過越南菜都有早餐食，嗰日阿媽嗌左個早餐，我就試佢普通湯河，湯底好入味好濃郁，但係食完唔會不斷飲水，應該唔會話好味精，河粉口感適中，而且餐牌都好多選擇，可以加唔同小食又有餐飲，係性價比唔錯嘅一間

呢個星期嘅工作都好趕忙，昨晚好早就去瞓，一覺醒來好精神，個肚就好空虛，嗱嗱臨梳洗去食早餐😄呢間越南餐廳已經幫襯過幾次食午餐，味道唔錯👌今日就試吓佢哋嘅早餐，係咪都一樣好食。佢哋有6款早餐，5款係粉麵，1款係果仁紅莓甜麥皮。今日揀咗馬來沙嗲牛肉檬粉配煙肉煎蛋牛肉好嫩，完全食唔到鬆肉粉味，沙嗲除咗有濃濃香料味，仲有粗粒嘅花生碎，色香味都唔錯。完全唔同茶餐廳果種。煙肉煎得好香脆👍整體都唔錯唔貪快，肯花時間心思，食物水準唔會差，呢啲小店亦都值得幫襯

天氣開始轉熱，就想食啲酸酸甜甜嘅嘢，難得放假就試吓屋企附近嘅越南餐廳。香茅豬扒撈檬本身睇相以為豬扒好大份，但打開見到有少少失望，豬扒偏薄，有1/4係骨，有啲唔夠喉，不過調味唔錯，亦炸得啱啱好，如果分量多番啲就好啦。粉方面都係覺得偏少，菜佔咗成碗嘅1/3，個人覺得可以調整一下份量，始終麵應該都唔算係成本好高嘅食材🤔 汁方面有得揀辣同唔辣，我揀咗辣，食落係好微好微嘅辣度，酸味啱啱好，好開胃。overall覺得味道係唔錯，但係份量方面爭少少，希望店家可以改善一下。

Lunch Time同同事本來想去食泰國野,行來行去都搵唔到想去果間泰菜館，最後兜兜轉轉見到有間越式餐廳，於是大家一試！入到去店員介紹佢地湯底不加味精，但我自己就麻麻地湯河類，所以最後都係點左個越式春卷撈檬！店員又話佢地奶茶唔錯，所以加錢要左個熱奶菜！撈檬來到，第一眼見只得一條春卷開二，暗暗話，咁少嘅碗野加埋飲品都差唔多60，暗想，食材可能好貴！份量適中，好多好多蔬菜，唯有倒多D魚露去撈菜食。春卷係唔錯，熱辣辣，里面都係蔬菜類多，好健康的一餐，如果佢比多一條...可能會好D！奶茶，只係奶茶一杯，平平無奇。

之前一篇「張記士多」嘅食評，就講到第一次跟姨仔，加埋佢朋友一齊行山，由粉嶺行到去大埔，響水塘起步，再經鶴藪水塘、沙螺洞、鳳園，搭小巴出番去太和。午餐就帶咗啲乾糧中途食，而去到沙螺洞時又晌「張記士多」攤抖吓兼食碗山水豆腐花，過到嚟太和，都將近4:00pm，返到屋企都接近傍晚，行到攰都費事煮，就索性晌太和食個早早早鳥晚餐。姨仔查一查，就揀咗「小安南」，啱啦，食啲濕濕哋嘅越南粉就最好。 雖然喺呢啲吊腳時間，但又唔喺無乜客喎。室內環境裝修簡約，以淺墨綠為主色調，兩邊牆都貼有歐式花階磚，並掛上少少食物相作點綴。防疫關係，都喺要二人一枱，不過，啲間隔膠板只喺普通大細，基本上跟四人一枱都無咩分別。 餐牌有兩大頁，過晒膠有啲反光，泊上牆嚟影。類別包括越式湯粉、越式撈檬、小食及各款飲品。店家更強調店內嘅越式湯底均採用鮮雞、香料熬製，並堅持唔加味精及雞粉，其實，依家都相對好少餐廳仲用緊味精。 除咗餐牌上嘅湯檬、撈檬，入鋪前門口仲棟咗個牌，提供幾款假日飯餐，想食飯嘅朋友都有少少選擇。 基本上，佢哋無套餐供應，不過，飲品及個別小食有加配優惠，變相自製套餐。而姨仔同佢朋友一枱，我哋兩枱人就各自嗌。 雞絲湯檬 $

樣樣都想試, 一於嚟個火車頭湯河. 有牛肉, 牛丸, 扎肉同雞絲. 一開始又係試下個湯底先, 雖然唔係太濃味, 但至少唔鹹,唔會食完之後好口渴. 餐廳提供嘅肉類係嚟自美國或巴西, 啲牛肉夠嫩, 最怕浸下湯之後會好’鞋口’. 晚餐時段, 可以以優惠價另加小食.越南春卷皮薄料足, 香矛雞翼就非常香口但唔會好油膩. 兩款都要趁熱食呀. 再嚟真係要提下個特飲: 蜜糖薑鮮檸茶! 薑味濃, 係因為每啖都飲到’薑蓉’. 三樣材料配埋紅茶, 好夾, 好味.

半生熟牛河牛肉湯好清甜無油，濃味剛好，餐廳選用美國牛肉，肥瘦合宜！河粉幼細嫩滑，份量亦好足夠，唔會成餅痴住👍青檸，芽菜，加埋辣椒，正😋加優惠價就可以享用埋迷你小食：點左香茅雞翼同越南春卷！雞翼即叫即炸，而且都幾入味，一人一隻岩岩好。春卷爆多料，滿滿的，又係熱辣辣，好脆口，不錯喲！飲品：蜜糖柚子紅茶，大大杯好滋潤，又唔會太甜，小妹鍾意❤️

疫情下 外賣回家食，叫左兩碗撈檬。 回到家發現只比左超級少的魚露（啫喱兜4/3），落到碗度 簡直點撈都乾，之後焗住要落返去餐廳叫佢轉比兩碗湯 諗住點都過乾食。職員好疑惑咁搞左一輪先筆2碗湯比我，但都係得一湯匙的份量 （膠碗一半都冇）心諗駛唔駛咁姑寒 ， 之前買過其他越式餐廳外賣人地比魚露都用12安士杯，剛剛好，佢地又唔係話好好食，粉份量又少，不值得一試。

小店要支持^-^需要在外用餐，首選小店。手作越南春卷撈檬～端上來的是滿滿一碗，檬粉上鋪上生菜絲、紅蘿蔔絲、青瓜絲、花生、芫荽、乾蒜片，主角春卷即炸，上面放上九層塔，拼出繽紛色彩，視覺享受一流。撈檬配上酸酸辣辣的汁，開胃醒神👍

放工黎食晚餐，見到人唔多，但有人介紹就試下有驚喜，佢價錢唔貴，有兩個晚餐，$55包熱飲，不過今日唔係試晚餐兩個人，一個叫生熟牛肉河，一個叫香茅雞翼凍檬，叫多個蘿白小食，唔係餐就冇另外再加野飲白蘿蔔好甜(唔記得影相)生熟牛肉河d湯好好味，甚至我覺得只係湯同河粉我都可以食得好開心香茅雞翼凍檬一上枱，覺得佢擺得好靚，香茅雞翼好香，仲熱辣辣,檬入面有好多脆花生，好好味晚餐呢個價算抵食，又大份

這間小店裝修光猛服務良好，但是食物質素卻是水準之下。生熟牛河牛肉一點牛肉味也沒有還有湯頭只是鹽水一樣，品嚐不到背後落了什麼材料。還有菜單選擇很少，老闆加油改進一下。

星期二晚八點幾黎到，唔洗等位. 我覺得以$4x-$5x一碗湯河嘅價錢，食物質素算幾好. 另外可以加錢追加小食 （例如菜，豬扒同雞翼）. 不過我地唔太餓就無食到. 1. 雞絲魚蛋湯河味道唔錯，不太咸. 有蘿蔔幾清甜. 餸比較少（雞絲比較少，魚蛋兩粒都少少彈牙）. 河粉幾滑，唔會太油2. 生牛肉牛丸湯河牛肉味好重，牛肉數量都唔少. 幾抵食3. 咸檸梳打個檸檬唔太咸，即開玻璃樽梳打. 4. 奶茶茶味適中，又唔會太多奶. 甜度自己落下次會試佢嘅湯檬/撈檬. 我見都幾多人點撈檬粉. 個店員都好好禮貌. 抺枱都好仔細. 唔會求其抺，都幾好