八蠔吧 (Closed)

八蠔吧前身位於上環，第一次食覺得餐廳生蠔水準頗高，當時諗住下個月帶女朋友食多次，點知晴天霹靂😢，上openrice見到「已搬遷」但遲遲見唔到新店嘅資料，今日終於比我等到，而我亦守諾言帶咗我女朋友去到位於西營盤嘅新店。門口嘅壁畫令人非常深刻，畫中男子起舞既同時手持生蠔白酒杯，上面仲寫上「People confuse me. food doesn’t」。- 生蠔拼盤職員建議由右邊開始食起，第一隻係澳洲出產，味道偏淡但相對creamy少少。之後五隻就來自法國，肉質同樣肥美，味道越黎越濃。生蠔當然要配白酒，職員推介呢款新西蘭既Sauvignon Blanc，白酒既酸味能夠帶出生蠔嘅鮮甜。- 夏季蔬菜燴意大利飯平時食既意大利飯都係偏向creamy ，今日你第一次係食到全綠色既意大利飯，每一啖令人仿如置身一片綠悠悠草地上🍀。意大利飯軟硬適中，草青味唔算太強烈，味道幾特別！- 慢煮雞胸肉配舞茸、西蘭花苗、酸椰菜花、黑松露薯蓉慢煮雞胸肉完全唔「鞋」，肉汁鎖住係入面，配以舞茸、清脆既西蘭花苗同酸椰菜，另外黑松露薯蓉質感香滑。- 自家製意大利芝士餅Tiramisu用杯裝盛載，份量適中，口感層次分明而且質感