M3 Italian (Closed)

昨晚適逢週年慶祝，所以想搵間西餐廳同太太、女兒食一餐。之前睇過呢間M3 Italian評語不錯，所以就揀呢間試下。係門口見到有個二人SET DINNER，阿女仲細，食唔到D乜，所以就叫咗佢試下。先順出場序講吓個餐湯和餐包。餐湯唔錯，味道恰到好處。餐包鬆軟，溫度剛好，仲比左一支意大利黑醋和橄欖油點餐包。請恕我見識少，呢支嘢我雖然知，但一直都以為係用嚟撈沙律的，直到今次食嘢，佢送嚟時話呢個比我哋點餐包的，這樣才知道用途。我正係度倒緊橄欖油時，沙律就送到嚟喇。不過後面啲嘢都係一個一個出，時間好好的。只係頭盤同時間，沙律都係冷盤，所乜所謂。我哋叫咗凱撒沙律配煙三文魚。沙律D菜好新鮮，麵包粒粒好脆，三文魚個醬都唔錯。然後就到兩個主菜了。先是意大利腸肉野菌意大利粉。味道不錯，配料亦好足。惟獨意粉有些少硬身，因為我個人喜歡食比較淋的。相信喜歡食較硬身意粉的人仕會更懂得欣賞這味意粉。另外一道是烤美國安格斯西冷扒。這牛扒味道很好，醬汁有配有少少紅酒味，更加突顯到牛肉的味道，秋葵配菜亦很好。惟獨火候控制還要改善。前面的部份，即上圖我切開了的部份，肉質控制剛剛好，保留了大部份肉汁，但後半部就比較實了點，已接