金牌小龍 (Closed)

今日去尖沙咀送完貨收工，到了晚飯時間做到肚餓當然要搵好野食啦，記得之前食過既「金牌小籠」在附近，價錢又唔係好貴，就決定去返食，去到同之前差不多，人總是很多但又有位唔洗搭枱，天氣咁熱冷氣依然足夠，坐左一陣就有服務員送上香茶，今次點了最貴既蟹黃小籠包，另外點了麻辣金錢肚和排骨蛋炒飯，還有保健既元盅雞湯。這盅雞湯很足火候，應該燉了很久，很骨膠原和清味帶有雞肉鮮味，一邊吃著麻辣金錢肚一邊飲湯，金錢肚很爽口彈牙，小小辣好好味。之後來個排骨蛋炒飯，排骨表面一層炸過的，裡面還保持很多肉汁，而且無骨啖啖肉超好食，蛋炒飯粒粒分明，炒得很有功夫。最後來個蟹黃小籠包，看看裡面真係有好多蟹黃，雖然已經飽飽地，但都覺得好好味，很快就食曬。