Video
Read full review
2021-10-09
872 views
成日係朋友網上交友平台 story見到呢間，心思思想食好耐🤔所以趁lunch time有時間就去試下係咪真係咁好食!!-💛黃色商家-🐮板燒吉列牛($118)之前食過幾間吉列牛，都冇呢間嘅吉列牛嘅炸衣咁脆，啲牛肉油脂分布平均，食落肉汁都幾豐富，炸衣厚度啱啱好，而且燒完都仲係幾脆，口感唔錯😙🧡 牛肉嘅厚薄同size都適中，啱啱好一啖食晒，份量對得住價錢😛。美中不足嘅係牛味唔算好濃🥺，無論齋食定點汁牛味都唔太濃，不過值得一讚嘅係個汁幾解膩，味道嘅濃淡都啱啱好🥰-🐮秘•燒黑松露吉列牛($158)牛味一樣唔太濃，黑松露味唔太出，但點埋汁食會香好多😋黑松露就冇原味咁脆，同埋味道比原味會重少少，其他野例如份量、炸衣厚度同size都大致一樣😛-🍚🥚秘之飯素+楓糖流心蛋 (+$20午市定食)飯素份量好夠，一啲都唔孤寒😋😋夠晒撈匀成碗飯!!同埋飯嘅份量同牛嘅份量夾得啱啱好🍚不過流心蛋就冇乜蛋味，略嫌有啲淡☹️同埋嗌定食會送一罐zero或者忌廉，(題外話)雖然新嘅zero真係好難飲…🤯-可能係因為午市唔算太多人，一點左右去到唔使等位就可以入座🤩同埋服務都幾好，我哋食咗九個字左右，佢哋都已經幫我哋加咗三次燃料k
-
💛黃色商家
-
🐮板燒吉列牛($118)
之前食過幾間吉列牛，都冇呢間嘅吉列牛嘅炸衣咁脆，啲牛肉油脂分布平均，食落肉汁都幾豐富，炸衣厚度啱啱好，而且燒完都仲係幾脆，口感唔錯😙🧡 牛肉嘅厚薄同size都適中，啱啱好一啖食晒，份量對得住價錢😛。美中不足嘅係牛味唔算好濃🥺，無論齋食定點汁牛味都唔太濃，不過值得一讚嘅係個汁幾解膩，味道嘅濃淡都啱啱好🥰
-
🐮秘•燒黑松露吉列牛($158)
牛味一樣唔太濃，黑松露味唔太出，但點埋汁食會香好多😋黑松露就冇原味咁脆，同埋味道比原味會重少少，其他野例如份量、炸衣厚度同size都大致一樣😛
-
🍚🥚秘之飯素+楓糖流心蛋 (+$20午市定食)
飯素份量好夠，一啲都唔孤寒😋😋夠晒撈匀成碗飯!!同埋飯嘅份量同牛嘅份量夾得啱啱好🍚不過流心蛋就冇乜蛋味，略嫌有啲淡☹️同埋嗌定食會送一罐zero或者忌廉，(題外話)雖然新嘅zero真係好難飲…🤯
-
可能係因為午市唔算太多人，一點左右去到唔使等位就可以入座🤩同埋服務都幾好，我哋食咗九個字左右，佢哋都已經幫我哋加咗三次燃料keep翻個火🥰而環境方面就可以再改善下，見舖頭好多隔板都有裂痕🥲🥲提提大家呢間淨係收現金，想食嘅話記得帶定cash喇~
Post