Video
Read full review
2024-04-05
113 views
本來對匠森無乜期待，所以連食物相都無影😅😅不過食落就好有驚喜，首先menu 有得揀燒脆鯇魚腩已經覺得幾盞鬼，打邊爐食得多，燒脆鯇我都係第一次食。之後叫咗唔少大路嘢食，包括金菇肥牛、粟米、甜薯、韮菜等等。我覺得調味恰到好處，唔會死鹹，尤其係蔬菜類，仲食到食材甜甜地嘅味道。另外，食物份量頗大，例如羊架$58一件，價錢平過其他食店少少，但係大件好多，廚師仲要切件上，方便食用。羊架肥瘦適中，燒完唔會鞋口，連埋啲肥油一齊食，真係齒頰留香。終於上燒脆鯇，食落好正，平時打邊爐已經好鍾意，燒完仲香口咗，加埋啲燒汁，味道唔會咁寡。舖頭牆上有一幅日本動漫角色大滙集嘅壁紙，可以一路食一路睇下有啲咩動漫角色，真係幾代人嘅童年回憶。最後，真係無相，不過有單。
本來對匠森無乜期待，所以連食物相都無影😅😅
不過食落就好有驚喜，首先menu 有得揀燒脆鯇魚腩已經覺得幾盞鬼，打邊爐食得多，燒脆鯇我都係第一次食。
之後叫咗唔少大路嘢食，包括金菇肥牛、粟米、甜薯、韮菜等等。我覺得調味恰到好處，唔會死鹹，尤其係蔬菜類，仲食到食材甜甜地嘅味道。
另外，食物份量頗大，例如羊架$58一件，價錢平過其他食店少少，但係大件好多，廚師仲要切件上，方便食用。羊架肥瘦適中，燒完唔會鞋口，連埋啲肥油一齊食，真係齒頰留香。
終於上燒脆鯇，食落好正，平時打邊爐已經好鍾意，燒完仲香口咗，加埋啲燒汁，味道唔會咁寡。
舖頭牆上有一幅日本動漫角色大滙集嘅壁紙，可以一路食一路睇下有啲咩動漫角色，真係幾代人嘅童年回憶。
最後，真係無相，不過有單。
Post
