Video
Read full review
2019-06-07
3140 views
表姪女考完晒試，表哥啲時間自由啲，所以就專登約佢食餐晚飯，大家又可以呻吓工作上嘅難處、唔公平嘅對待……等等。表哥話未上過啲樓上咖啡店，所以，晌網上搵兩搵，摷到「Layback Cafe ＆ Bar」，參考過啲食評確，感覺唔錯喎。餐廳位處加連威老道一幢舊式商廈低層，佔地唔大，室內大概廿個位左右，以木系為主裝修，算喺精簡骨子，擺設少少裝修品，點綴一吓環境。此外，仲有少少室外位，都幾開揚架，感覺舒適，但天氣有點悶熱，就乖乖坐番晌室內啦。晌走出去露天位時，一定會留意到門口旁有個小書架，擺咗啲旅遊書，啱嘅可以拎本打打書釘，扮吓文青。主餐牌好簡單啫，一面喺印有各款沙律、薄餅、特色小食、甜點。反轉另一面，就喺主菜系，由A至I共9款，定價為$128-$138，但可以另+$25加配是日餐湯，而想加配飲品，就有一律減$10優惠，變相成為一份套餐。溫馨提示，雖然餐牌無寫，喺需加一服務費嘅。既然叫得Cafe，飲品嘅選項自然寧舍多，唔多作介紹喇，貼晒出嚟俾大家有個參考。點好餐後，店員會送上餐具，啲餐具就無乜特別啦，但個鹿仔藤籃就非常別緻。媽日餐湯 +$25今晚嘅餐喺南瓜忌廉湯，色澤橙紅，質感幾滑身，亦甚有南瓜嘅
餐廳位處加連威老道一幢舊式商廈低層，佔地唔大，室內大概廿個位左右，以木系為主裝修，算喺精簡骨子，擺設少少裝修品，點綴一吓環境。
此外，仲有少少室外位，都幾開揚架，感覺舒適，但天氣有點悶熱，就乖乖坐番晌室內啦。
晌走出去露天位時，一定會留意到門口旁有個小書架，擺咗啲旅遊書，啱嘅可以拎本打打書釘，扮吓文青。
主餐牌好簡單啫，一面喺印有各款沙律、薄餅、特色小食、甜點。
反轉另一面，就喺主菜系，由A至I共9款，定價為$128-$138，但可以另+$25加配是日餐湯，而想加配飲品，就有一律減$10優惠，變相成為一份套餐。溫馨提示，雖然餐牌無寫，喺需加一服務費嘅。
既然叫得Cafe，飲品嘅選項自然寧舍多，唔多作介紹喇，貼晒出嚟俾大家有個參考。
點好餐後，店員會送上餐具，啲餐具就無乜特別啦，但個鹿仔藤籃就非常別緻。
媽日餐湯 +$25今晚嘅餐喺南瓜忌廉湯，色澤橙紅，質感幾滑身，亦甚有南瓜嘅清甜味，湯裡有少許粟米粒，但我就覺得有無都無所謂，反而，由於湯碟大隻，放條意大利餅乾條襯一襯就仲好，檔次都升一級呀！
媽媽香脆拉麵沙律 $98一來主菜無沙律加配，二來晌沙律類見到有款咁得意嘅沙律配搭，試試究竟喺點。原來喺以沙律菜墊底，加上媽咪麵及水牛芝士，再淋上黑醋而成，都真喺幾有心思。
創意還創意，食味喺點先？其實，當啲香脆拉麵好似平常食凱撒沙律啲麵包粒咁，就完全無咩違和感。將拉麵及芝士一齊入口，一脆一柔，口感過癮，而沙律菜又夠新鮮爽脆，最欣賞喺啲黑酸，應該喺煮過嚟，黏啲、杰身啲，醋味好醇和，一啲都唔嗆喉。
自家製南瓜汁天婦羅蝦雜菌意大利飯 $128一向我都覺得意大利好考到廚師嘅手藝，一食就知得唔得，而呢個意大利飯喺意日融和，日式嘅天婦羅蝦配雜菌意大利飯。
啲飯用上大大隻虎蝦，所以，出嚟嘅外觀好有睇頭。先講啲蝦，炸得甘香，入口唔油，蝦肉又幾爽；意大利飯方面，個人就覺得汁太多，有啲似食湯飯咁，不過，南瓜品就十分濃郁，飯粒亦具咬口感，飯內混有好多雜菇，增加口感。
香蒜白酒露筍日本和牛粒燴扁意粉 $138另一道主菜就要咗扁意粉，除和牛粒，碟面仲加咗大量翡翠苗、露筍仔、車厘茄，睇落色彩好睇啲，又多添份清爽感，而且，份量好足。
香蒜白酒露筍日本和牛粒燴扁意粉
$138
16 views
0 likes
0 comments
榛子牛奶咖啡 +$34雖然Layback掛正名叫Cafe，不過，杯牛奶咖啡就沖得未夠手勢，雖然拉咗少少花，但入口明顯喺撞得唔夠奶泡，質感較削身，個拉花亦唔多細緻，還好個咖啡味道都幾醇香。
焦糖朱古力奶 +34反而，表哥就話佢杯焦糖朱古力幾正，原來打咗厚厚嘅奶泡落去，令整體口感更幼滑，而朱古力味又唔錯。
可能星期日關係，都未到晚市高峰時間，都已經座無虛席，幫襯嘅都喺啲年青客人。侍應都喺女生嚟，招呼頗細心，而且有禮，整晚用餐都予人好稱心。
Post
