Video
Read full review
2017-07-06
212 views
話說喺另一邊食完lunch，但份量太細，食完等於冇食，於是要走過嚟食下午茶！3點幾嚟到，差不多係包咗場，環境寬敞，檯與檯之間空間夠晒，唔會好迫，食tea傾計啱晒。我哋揀咗窗旁嘅位置，有啲太陽光投射入嚟，影相都真係不錯迷你提子乾英式鬆餅配果醬 ($28)老實講，我諗住$28只會得一件scone，問清楚店員之後，答案嚇咗我一跳，竟然有3件！但諗深一層，3件都可能係好細件㗎呢，所以都冇乜期望。點知上菜時先發覺哇，原來唔細㗎，係standard scone嗰種size！仲好熱辣辣添（話說尋日去完一間乜都係凍，冇樣野熱嘅餐廳，嬲到今日），$28都有熱辣辣提子scone連果醬，我真係覺得非常感恩！scone好香好鬆軟，入面乾身，搽果醬食真係無得頂！食完呢3件scone，真係超級滿足！迷你窩夫 綠茶紅豆味 ($58)有時叫窩夫都會中伏，一來驚佢太腍，二來驚佢太甜，三來驚佢唔夠靚仔。點知呢個賣相清新可愛，窩夫上有個綠茶雪糕，旁邊有撈咗紅豆嘅忌廉，整體唔算好甜，就算窩夫浸滿雪糕都仲keep到鬆脆嘅口感，有驚喜！綠茶Latte (+$15)要特登讚吓佢！話說，有3個圖案嘅，分別係3眼仔、青蛙仔及唔知邊個（
迷你提子乾英式鬆餅配果醬 ($28)
老實講，我諗住$28只會得一件scone，問清楚店員之後，答案嚇咗我一跳，竟然有3件！但諗深一層，3件都可能係好細件㗎呢，所以都冇乜期望。點知上菜時先發覺哇，原來唔細㗎，係standard scone嗰種size！仲好熱辣辣添（話說尋日去完一間乜都係凍，冇樣野熱嘅餐廳，嬲到今日），$28都有熱辣辣提子scone連果醬，我真係覺得非常感恩！scone好香好鬆軟，入面乾身，搽果醬食真係無得頂！食完呢3件scone，真係超級滿足！
迷你提子乾英式鬆餅配果醬
$28
11 views
0 likes
0 comments
迷你提子乾英式鬆餅配果醬
$28
9 views
0 likes
0 comments
迷你提子乾英式鬆餅配果醬
$28
3 views
1 likes
0 comments
迷你窩夫 綠茶紅豆味 ($58)
有時叫窩夫都會中伏，一來驚佢太腍，二來驚佢太甜，三來驚佢唔夠靚仔。點知呢個賣相清新可愛，窩夫上有個綠茶雪糕，旁邊有撈咗紅豆嘅忌廉，整體唔算好甜，就算窩夫浸滿雪糕都仲keep到鬆脆嘅口感，有驚喜！
迷你窩夫 綠茶紅豆味
$58
8 views
0 likes
0 comments
7 views
0 likes
0 comments
綠茶Latte (+$15)
要特登讚吓佢！話說，有3個圖案嘅，分別係3眼仔、青蛙仔及唔知邊個（唔記得咗佢個名哈哈），落單時就咁話要個綠茶latte啦，心諗+$15點會有得揀圖案吖，外面好多cafe都冇得揀啦，點知店員叫我揀啊，真係有誠意！綠茶味香濃，比起外面嗰啲呢個濃好多好多，而且冇咁甜仲帶少少腥味，抵讚！到我飲完之後，杯嘅邊緣仲有好多綠茶粉，哇真係要大讚啊！
綠茶Latte
$15
10 views
1 likes
0 comments
另外要大讚嘅係服務，話說坐坐吓我覺得有啲曬，於是落咗啲簾啦，但係又唔係落到尾喎，落咗一半咁啦。坐咗一陣，店員走埋嚟，幫我哋落埋另一邊嘅簾，仲好貼心咁樣度住我嗰邊嘅簾落到幾多，佢嗰邊跟返落幾多，對於我呢啲有強迫症嘅人嚟講，真係好治癒！！！！
食物用心製作，超抵食，服務又一流，如果可以的話我想俾佢哋10粒星！下午茶諗唔到喺邊度食，絕對要嚟呢度一試啊！估唔到喺觀塘返咗幾年工，轉埋工添喇，到今時今日先發現呢個咁美好嘅cafe，雖然遲咗，但我總算冇錯過你！
Other Info. :
飲品種類好多元化，我冇選擇困難但今日都困難咗一陣先揀到，因為樣樣都太吸引好想試！
(The above review is the personal opinion of a user which does not represent OpenRice's point of view.)
Post
